Sunngiffimmi tuttunniarneq oktobarip 31-anni 2021-mi unitsinneqassaaq

Aalisarnermut Piniarnermullu Naalakkersuisoqarfimmit matumuuna inussiarnersumik eqqaatitsissutigineqassaaq Piniarfik 2-mi (Sisimiut-Kangerlussuaq), Piniarfik 3-mi (Akia-Maniitsoq) aamma Piniarfik 4-mi (Ameralik) sunngiffimmi tuttunniarneq oktobarip 31-anni 2021-mi unitsinneqassammat. Piniarfinni pineqartuni sunngiffimmi tuttunniarneq taamaalilluni oktobarip 31-anni 2021-mi unnuap qeqqanut unitsinneqassaaq.

Piniarfik 2-mi (Sisimiut-Kangerlussuaq), Piniarfik 3-mi (Akia-Maniitsoq) aamma Piniarfik 4-mi (Ameralik) inuussutissarsiutigalugu tuttunniarneq decembarip 31-at 2021 ilann-gullugu ingerlassaaq.

APN-mit aamma eqqaatitsissutigineqarpoq inatsisit naapertorlugit piumasaqaataammat tuttunniarsimanermut umimmanniarsimanermullu akuersissutit tuttunniarnissamut umimmanniarnissamullu piffissaliussap naareerneranit ullut 14-it qaangiutsinnagit uter-tinneqartussaammata, kommunit sullissiviinut pisanik nalunaaruteqaatigaluni utertin-neqassallutik, pisaqarsimanngikkaluaraanniluunniit aamma utertinneqassallutik.

Sukumiinerusumik paasisaqarusukkaanni immikkoortortaqarfimmi pisortaq Amalie Jessen attavigiuk, oqarasuaat 34 53 06, e-mail: amalie@nanoq.gl