Umiatsiaararsortunut pisassiissutigineqartut allanngortinneqarput

Aqutsiveqarfimmut Upernavimmut oktobarimut pisassiissutit allanngortinneqarput.

Aalisarnermut Piniarnermullu Naalakkersuisup aqutsiveqarfimmut Upernavimmut umiatsiaararsortunut qaammammut pisassiissutigineqartut oktobarip 12-anni naleqqussaavigai, pisassiissutigineqartut nungulermata. Taamaalilluni aalisarneq ingerlatiinnarneqassaaq, aalisarneq oktobarip 13-ianni unitsinneqarani.

 

Oktobarimut pisassiissutigineqartut naleqqussaavigineqarput, novembarimut pisassiissutigineqartut 173 tonsit aamma decembarimut 188 tonsit oktobarimut nuunneqarmata.

 

 

Annerusumik paasisaqarusukkuit Aalisarnermut Piniarnermullu Naalakkersuisoqarfimmut apn@nanoq.gl-mut saaffiginnissinnaavutit.