Kitaani tikaagullittassiissutinik agguaasseqqittoqassanngilaq

 

 

Aalisarnermut Piniarnermullu Naalakkersuisoq aalajangerpoq Nunatta Kitaani ataatsimoorluni qoorortoorsortunut qamutilissortunullu tikaagullittassiissutit 55-it sinneruttunit agguaasseqqittoqassanngitsoq. Tamanna pivoq angallatit qamutilissorlutik tikaagullinniartartut salliunneqarnissaat pillugu.

Taamaallaat Tunumi tikaagullittassiissutinik sinneruttunik agguaasseqqittoqarpoq.

Tusagassiorfinnut decembarip 17-ianni aamma 21-anni 2020-mi nalunaarutini, Kitaani ukiumut tikaagullinnik tunngaviusumik pisassiissutit 164-it pillugit ilisimatitsissuteqartoqarpoq kiisalu 2020-miit pisassiissutinik 55-inik Kitaani nuussisoqarpoq. Ataatsimoorluni qoorortoorsorluni piniarnermi tikaagulliit 64-it pisassiissutigineqarput qamutilinnillu tuukkartalinnik piniarnermit 100-t pisassiissutigineqarlutik tunngaviusumik pisassiissutiniit. Tunumi pisassiissutit tamakkerlugit 20-upput aamma 2020-miit nuussat marluullutik.

APN-ip oktobarip 11-anni 2021-mi killiffittut paasissutissat tigusai naapertorlugit Kitaani tikaagulliit 55-it ataatsimoorluni piniarnermi aamma qamutilinnik tuukkartalinnik piniarnermit tikaagulliit 54-it pisarineqarsimapput. Kitaani tikaagullittarineqarsimasut tamakkerlugit 109-upput, sinneruttullu katillugit 55-iullutik, taakkunannga 21-t qoorortoorsortunit 34-llu qamutilissortunit.

Kitaa

Qoorortoorsortut

Qamutilissortut

Tunngaviusumik pisassiissutit

64

100

Agguaasseqqinnermi pisassiissutit

 ilassutit 12

ilanngaatit 12

Pisassiissutit tamakkerlugit:

76

88

Oktobarip 8-anni pisat

55

54

Sinneruttut

21

34

Tunumi tikaagulliit 16-it pisarineqarsimapput, pisassiissutinik 4-t sinnerullutik.

Ataatsimoorluni tikaagullinniarneq, Tunu

Tunumi tikaagulliit

Pisat

2021-mi Pisassiissutit

18.9 2021 nuussineq

Aappassaannik agguaasseqqereernerup kingorna pisassiissutit

Ittoqqortoormiit

4

8

2

2

Tasiilaq

12

12

2

2

Tamakkerlugit

16

20

4

4

Kisitsisit allannguuteqarsinnaapput, nuussinerup nalaani pisanik nalunaartoqarsinnaammat.

Sukumiinerusumik paasisaqarusukkaanni immikkoortortaqarfimmi pisortaq Amalie Jessen attavigiuk, oqarasuaat 34 53 04, e-mail: amalie@nanoq.gl