Upernavimmi sinerissap qanittuani umiatsiaaqqamik qaleralinniarneq matuneqassaaq ulloq 13.10.2021

Kalaallit Nunaanni Aalisarsinnaanermut Akuersissutinik Nakkutilliisoqarfik matumuuna nalunaaruteqarpoq, aqutsiveqarfimmi Upernavimmi sinerissap qanittuani umiatsiaaqqanut oktobarimi qaleralittassiissutit nungunneqalermata aalisarneq matuneqassasoq ulloq 13.10.2021.

 

Matusinermi aqutsiveqarfimmi Upernavimmi akuersissutit 47-JK-mik naaneqartut kisimik eqqorneqassapput. Malugeqquneqarpoq qamuteralaat, qimusseq ATV-illu aamma aalisarnermi atorneqaqqusaanngimmata.

 

Taamaattumik ulloq 13. oktober 2021 nal. 23.59 aamma tunitsiviussaaq kingulleq ullorlu taanna aalisaatit tamarmik qaqinneqariissapput.

 

Aalisarneq aqutsiveqarfimmi ammaqqinneqassaaq ulloq 1. november 2021.

 

Annertunerusumik paasisaqarusukkuit attavigiuk Kalaallit Nunaanni Aalisarsinnaanermut Akuersissutinik Nakkutilliisoqarfik oqarasuaat 34 50 00 imaluunniit e-mail gflk@nanoq.gl