Sunngiffimmi piniartut sumiiffinni aalajangersimasuni septembarip 30-anni unnuap qeqqanut tuttunniarunnaassapput

Piniarfinni 1-imi, 5-imi, 6-imi, 7-imi, 8-mi aamma 11-mi sunngiffimmi piniartut  septembarip 30-anni unnuap qeqqanut tuttunniarunnaassapput. Piniarfiit pineqartut nunap assingani ilanngunneqartumi takuneqarsinnaapput.

 

Tuttut pisarineqarsimasut nalunaarutigineqassapput aamma akuersissutit atorneqanngitsut kommunit allaffii aqqutigalugu utertinneqassapput.

 

Sukumiinerusumik paasisaqarusukkaanni immikkoortortaqarfimmi pisortaq Amalie A. Jessen Aalisarnermut Piniarnermullu Naalakkersuisoqarfimmut saaffiginnittoqarsinnaavoq, e-mail: amalie@nanoq.gl, tlf. 345304