Meeqqat 22-t oqaluttuassartaat pillugu kapitali taartoq atuaganngorlugu atuarneqarsinnaalerpoq

Misileraaneq Kalaallit Nunaanni ingerlanneqarsimasoq, tassa ukiut 70-it sinnerlugit matuma siorna kalaallit meerartaasa Danmarkiliartinneqarnerat pillugu massakkut atuaganngorlugu saqqummersinneqalerpoq.

1951-imi meeqqat 22-t Danmarkiliartinneqartut pillugit oqaluttuarisaanermik pilersitsivoq. Aalajangiinerit amerlasuut imaaliallaannarlugit aalajangerneqarput. Aalajangiinerit siunertamut naapertuutinngillat. Piffissap ingerlanerani misileraaneq puigorneqaraluttuinnarpoq aamma misileraaneq kattuffinnit imaluunniit suliffeqarfinnit malitseqartinneqanngilaq.

2020-mi ministeriuneq Mette Frederiksen Danmarki sinnerlugu taakkunannga meeqqanut 22-nut utoqqatsissuteqarpoq, taakkunannga arfinillit kisimik suli uumapput. 1951-imi meeqqat 22-t Danmarkiliartinneqartut oqaluttuassartaat pillugu qulaajaanerup tamanut saqqummiunneqarneranut atatillugu taamak iliorpoq.

Qulaajaaneq massakkut atuaganngortinneqarpoq aamma Meeqqanut, Inuusuttunut Ilaqutariinnullu Naalakkersuisoqarfimmit saqqummersinneqassalluni. Kalaallit Nunaata oqaluttuarisaanerata kapitalianik paasisaqarnerunissat kissaatigigukku atuagaq nunatta atuagaateqarfiani, sinerissami atuakkanik atorniartarfinni kiisalu Ilisimatusarfiup atuagaateqarfiani atorneqarsinnaavoq.

Paasisaqarnerunissamut attavigineqassaaq Naalakkersuisup allattaa Naja Lynge Petersen: e-mail: nlyp@nanoq.gl imaluunniit oq. + 299 27 02 43