Illersornissaqarfimmi ilinniartitaanerit tapiiffigineqarsinnaaneri

Illersornissaqarfimmut atatillugu ilinniartitaanernut tapiissuteqartarneq aamma pinngitsoorani sakkutuujusussaanermut misilitsittarneq aasap ingerlanerani paatsuungassutigineqangaatsiarput. Paatsuunganeq pineq artoq illersornissaqarfiup ataani ingerlatsinerit assigiinngitsut marluk pineqarnerannut tunngavoq, ingerlattakkat pineqartup aappaa ilinniagaqarnersiutinik tapiiffigineqartartuulluni. Tamanna tunngaveqarpoq ilinniartitaanermik ingerlatsisarneq pineqarmat, aappaanili danskit illersornissaqarfianni ingerlatsinermut tunngasuulluni.

Taamaakkaluartoq pingaaruteqarpoq erseqqissassallugu ilinniagaqartut maannamutulli Danmarkimut angalasarnerminnut akiliunneqartarmata, ilinniakkami ilinniagaqarnersiuteqarfiusartumi danskit illersornissaqarfianni aallartinnissamut atatillugu, soorluttaaq angerlarnissaminnut akiliunneqartartut, matumani pineqarmata ilinniakkat Kalaallit Nunaanni inuinnaat akornanni suliffissaqartitsiviusartut. Kiisalu aamma suli periarfissaavoq ilinniagaqarnersiuteqartitsisarneq tamakkiisumillu angalanernut aningaasartuutinut akiliunneqartarneq, ilinniakkanut pineqartunut atatillugu, tassa ilinniakkamut tiguneqarnissamut misilitsinneq ilinniakkamik pineqartumik aallartitsinissamut aqqutissiuussisuutillugu.

Ilinniartitaanerit allanisulli Illersornissaqarfimmi ingerlanneqarsinnaasut taamaasillutik suli ingerlaqqittumik tapiiffigineqarsinnaapput, ilinniartitaanertulli allatulli kalaallini suliffeqarnermi pisariaqartitsinneqartutulli.

Attavissaq: Allatsi Paninnguaq Steenholdt, pslt@nanoq.gl