Aalisarneq pillugu ataatsimiititaliarsuup isumaliutissiissutini sisamanngornermi septembarip 23-anni tunniutissavaa

Aalisarneq pillugu ataatsimiititaliarsuup suliani naammassivaa, taamaalilluni isumaliutissiissutini amerlaqisunik innersuussutilik saqqummiutissavaa.

Aalisarneq pillugu Ataatsimiititaliarsuaq Naalakkersuisuusimasunit marsip 8-anni 2019-imi pilersinneqarpoq. Ataatsimiititaliarsuup sulinerani siunertaq pingaarnerpaaq tassaavoq Aalisarneq pillugu Ataatsimiititaliarsuup aalisarneq pillugu inatsisissamut suliniutissanullu tassunga atasunut allanut aalisarnerup ineriartornissaanut periarfissanut pitsaasumik tapersiisinnaasunik inuiaqatigiillu aalisarnermik pisuussutinillu annertunerpaamik iluaquteqarnissaannut qulakkeerinneqataasinnaasunik inassuteqarnissaa.

Aalisarneq pillugu Ataatsimiititaliarsuup suliani naammassivaa, sulianilu Naalakkersuisunut sisamanngornermi septembarip 23-anni 2021-mi tunniutissavaa.

Isumaliutissiissut innersuussutinik piviusorsiortunik amerlasuunik imaqarpoq, siunnersuutinik Naalakkersuisut suliakkiutaat tunngavigalugit suliaallutik.

Aalisarneq pillugu Ataatsimiititaliarsuaq suliani pillugu saqqummiussisassaaq innuttaasunillu ataatsimiitsitsisassalluni, innuttaasunit allanillu soqutiginnittunit peqataaffigineqarsinnaasunik.
Innuttaasunik ataatsimiitsitsineq siulleq Nuummi pissaaq, katersortarfimmi sisamanngornermi septembarip 23-anni nalunaaqutaq 19.00-imit 21.00-imut pissalluni.

Taanna pereerpat ataatsimiititaliarsuup isumaliutissiissut Maniitsumi innuttaasunut katersortarfimmi septembarip 24-anni 2021-mi nalunaaqutaq 13.00-imit 16.00-imut saqqummiutissuaa.

Isumaliutissiissut Ilulissani innuttaasunut illorsuup Sermermiut inersuaani arfininngornermi septembarip 25-anni 2021-mi nalunaaqutaq 13.00-imit 16.00-imut saqqummiunneqassaaq.

Innuttaasut sisamanngornermi septembarip 23-anni ataatsimeeqataasinnaanngitsut toqqaannartumik live-kkut nalunaaqutaq 15.00-17.00 malinnaasinnaapput. Toqqaannartumik live-kkut Naalakkersuisut facebookiatigut; ugguuna malinnaasuupput: https://www.facebook.com/naalakkersuisut.

Annerusumik paasisaqarusukkuit Thomas Rassing telefuunikkut 34 53 33-mut sianerlutit imaluunniit thra@nanoq.gl-imut allallutit attavigisinnaavat.