Tikaagullittassanit pisassiissutinik 2021-imi nuussineq

Aalisarnermut Piniarnermullu Naalakkersuisup Nunatta Kitaani qamutilissorluni tikaagullittassiissutinit 12-k ataatsimoorluni qoorortoorsorluni tikaagullittassanut nuunnissaat aalajangerpaa, taamaasilluni Kitaani angallatit qamutilillit tikaagullittassaat maanna 51-it sinnerupput kiisalu umiatsiaararsortunut pisassat 48-llutik, nuussineq septembarip 16.-anni 2021-miit atuutilissaaq.

Nuussinissamut ulluliussaq sioqqullugu (ullussaa kommunit namminneerlutik aalajangissavaat) piniarneq tamarmi inerteqqutaavoq. Kommunit nutaamik agguaasseqqinneq tamanut nalunaarutigereerpassuk piniarneq aatsaat aallarteqqinneqarsinnaavoq. Piniaqatigiinnermili allannguisoqarnani ingerlaqqinnissamik kommunemi isumaqatigiittoqarsimappat taanna atuutissaaq.

Tusagassiorfinnut decembarip 17-ianni aamma 21-ianni 2020-mi nalunaarutini, Kitaani ukiumut tikaagullinnik tunngaviusumik pisassiissutit 164-it pillugit ilisimatitsissuteqartoqarpoq kiisalu 2020-miit pisassiissutinik 55-inik Kitaani nuussisoqarpoq. Ataatsimoorluni qoorortoorsorluni piniarnermi tikaagulliit 64-it pisassiissutigineqarput qamutilinnillu tuukkartalinnik piniarnermit 100-t pisassiissutigineqarlutik tunngaviusumik pisassiissutiniit. Tunumi pisassiissutit tamakkerlugit 20-upput aamma 2020-miit nuussat marluullutik.

APN-ip septembarip 9-aanni 2021-mi killiffittut paasissutissat pissarsiai naapertorlugit Kitaani tikaagulliit 23-t ataatsimoorluni piniarnermi aamma qamutilinnik tuukkartalinnik piniarnermit tikaagulliit 37-it pisarineqarsimapput, suli nuussisoqanngitsoq pisassiissutinit 41-it aamma 63-it sinnerullutik.

Tunumi tikaagulliit 13-it pisarineqarsimapput, pisassiissutinik 7-k sinnerullutik.

Kalaallit Nunaata kitaani ataatsimoorluni qoorortoorsorluni pisassanik nuussineq (ilassutit) ima kinguneqarpoq:

Avannaata Kommunia                               0

Kommune Qeqertalik                                4

Qeqqata Kommunia                                  0

Kommuneqarfik Sermersooq Kitaa              2

Kommune Kujalleq                                    6

Katillugit:                                                12

Takussutissiaq: Kalaallit Nunaata kitaani kangianilu ataatsimoorluni tikaagullinniarnermi septembarip 14.-anni 2021-mi agguaasseqqinneq aamma 2020-imiit nuussaniit pisat, Kitaani.

Nunatta kitaani tikaagulliit

Pisat

Pisassiis-sutit

2020-miit nuussanit pisat

Qaanaaq

0

1

0

Upernavik

1

7

3

Uummannaq

0

6

1

Ilulissat

0

3

2

Qeqertarsuaq

4

4 + 2

2

Qasigiannguit

0

4

1

Aasiaat

3

4 + 2

2

Kangaatsiaq

0

4

0

Sisimiut

2

4

11

Maniitsoq

2

5

16

Nuuk

3

4 + 2

10

Paamiut

0

4

2

Narsaq

5

5 + 2

0

Qaqortoq

4

4 + 2

0

Nanortalik

4

5 + 2

0

TOTAL

23

64 + 12

50*

*  Taakkua saniatigut tikaagulliit 5-it qamutilissortuniit pisarineqarput (nuussanit).

Ataatsimoorluni tikaagullinniarneq, Tunu

Tunumi tikaagulliit

Pisat

Pisassiis-sutit

2020-imiit nuussanit pisat

Ittoqqortoormiit

4

8

0

Tasiilaq

9

12

2

Tamakkerlugit

13

20

2

Kisitsisit allannguuteqarsinnaapput, nuussinerup nalaani pisanik nalunaartoqarsinnaammat.

Sukumiinerusumik paasisaqarusukkaanni immikkoortortaqarfimmi pisortaq Amalie Jessen attavigiuk, oqarasuaat 34 53 04, e-mail: amalie@nanoq.gl imal. Specialkonsulent Masaana Dorph, e-mail mado@nanoq.gl, tlf. 34 53 44.