Kalaallit Nunaanni Tusagassiuutit pillugit Aalajangiisartut katiterneqarnerat 2021-2025

Naalakkersuisut ”Tusagassiuisarnermi akisussaassuseqarneq pillugu Inatsisartut inatsisaat nr. 17, 19. november 2007-imeersoq” (tusagassiuisarnermi akisussaassuseqarneq pillugu inatsit) tunngavigalugu Kalaallit Nunaanni Tusagassiuutit pillugit Aalajangiisartunik nutaanik pilersitsipput. Taakku tusagassiuisarnermi akisussaassuseqarneq pillugu inatsit malillugu inatsisilerituumik ataatsimik ilaasortanillu arfinilinnik ilaasortaqarput, taakku allatseqarfimmit ikiorserneqassapput. Inatsisileritooq ilaasortallu tamarmik sinniisoqassapput. Taakku tusagassiorfinnut naammagittaalliuutit suliarisassavaat. Tusagassiutit pillugit Aalajangiisartut suliassaraat tusagassiornermi ileqqorissaarneq anguniarlugu tusagassiorfinnik isornartorsiuisinnaanissaq. Tusagassiutit pillugit Aalajangiisartut tusagassiutinut sanilliullugit inatsisitigut piginnaasaqanngillat, taamaattorli Tusagassiutit pillugit Aalajangiisartut tusagassiutini sammineqartut isornartorsiorsinnaavaat tusagassiivillu naqqiinissaanut inassuteqarsinnaallutik.

Ilaasortat sinniisaallu ukunannga toqqarneqassapput, Kalaallit Nunaanni Tusagassiortut Peqatigiiffianiit, tusagassiuutit naqitani aammalu radio tv-milu Aaqqissuussinermi aqutsisunit, Ilinniartitaanermut, Kultureqarnermut, Timersornermut Ilageeqarnermullu Naalakkersuisoq aammalu Kattuffinniit kulturikkut sunngiffimmilu ingerlatsineq pillugu Inatsisartut inatsisaanni nr. 5, 6. Juni 2016-imeersoq naapertorlugu tapiiffigineqarsinnaasut oqaaseqaataat aallaavigalugu. Taakku ilaasortat sinniisaallu ukiut sisamakkaarlugit toqqarneqartassapput.

Kalaallit Nunaanni Tusagassiuutit pillugit Aalajangiisartut nutaat piffissami 1. Juli 2021- 30.juni 2025 ima isikkoqalerput:

Innersuussisut:

Ilaasortaq:

Sinniisussaq:

Naalakkersuisoq:

(Siulittaasumik qinersineq)

Kirsten Thomassen (Eqqartuussisuuneq)

Morten Nornild (Naalagaaffiup Sinniisoqarfiani pisortap tullia)

Tusagassiuinermi Sulisut Peqatigiiffiat, TP:

Karsten Sommer (soraarneq)

Else Løvstrøm (Grønlands Naturinstitut)

Dorthe Olsen (Sermitsiaq)

Mads Pedersen (Grønlands Selvstyre)

Aaqqissuussinermi aqutsisut:

Poul Krarup (Sermitsiaq)

Inge S. Ramussen (AG)

Ib Sørensen (KNR)

Jens Thorin (KNR)

Kattuffiit:

NTK:

Aqqaluk Brandt Johansen (Qeqertarpaat Tusaataat 93 MHz)

Bia Andersen (kigutilerisoq)

EPI:

Peter Jensen (Inuk Media)

Rosannguaq Rossen (Ilisimatusarfik)

 

Sukumiinerusumik paasisaqarusunnermi saaffigineqarsinnaavoq, AC-fuldmægtigi Naja Brandt, Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfimmi, oqa.: + 299 34 57 41, mail njbr@nanoq.gl