Tunillatsittut nutaat aqqanillit

Ullup unnuallu kingulliup ingerlanerani nunatsinni inuit aqqanillit tunillatsissimasut nassaarineqarput. Taakkunannga marluk Nuummiipput, ataaseq Upernavimmiilluni aammalu arfineq pingasut Sisimiuniillutik.

”Paasivarput suli Sisimiuni tuniluuttoqangaatsiartoq. Suli inunnik tunillatsiffiisa suminngaanneerfiinik ilisianeqanngitsunik tunillatsittoqartarpoq. Siullermik qujanartumik Nuummi tunillatsissimasut killeqartuinnarnik amerlassusillit nassaaraagut. Kisianni suli illoqarfinni tuniluuffiusuni mianersornissamut tunngavissaqarpoq”, Nakorsaaneq Henrik L. Hansen oqarpoq.

Ullut unnuallu kingulliit ingerlanerini nuna tamakkerlugu inuit 893-it misissortissimapput.