Saattuarniarneq: Aqutsiveqarfik Uummannaq sinerissap qanittuani aalisarneq matuneqassaaq

Kalaallit Nunaanni Aalisarsinnaanermut Akuersissutinik Nakkutilliisoqarfik matumuuna nalunaaruteqarpoq, aqutsiveqarfimmi Uummannaq saattuarniarneq matuneqassammat ulloq 20.08.2021, pisassiissutit nungunneqalermata.

 

Taamaattumik tallimanngorneq ulloq 20. august 2021 nal. 23.59 aamma tunitsiviussaaq ulloq kingulleq. Ilanngullugu ulloq taanna pullatit tamarmik qaqinneqariissapput.

 

Annertunerusumik paasisaqarusukkuit attavigiuk Kalaallit Nunaanni Aalisarsinnaanermut Akuersissutinik Nakkutilliisoqarfik oqarasuaat 34 50 00 imaluunniit e-mail gflk@nanoq.gl