Kikkut Kalaallit Nunaannut tikissinnaappat?

Kalaallit Nunaannut tikissaguit tamakkiisumik kapitissimasariaqarputit imaluunniit Kalaallit Nunaanni najugaqavissuusariaqarputit, Kalaallilluunniit Nunaannut nuuttussanngorsimasariaqarlutit.

10. august 2021
________________________________________

Timmisartumut ilaassaguit pingasuusut taakku arlaat uppernarsartussaavat:
  • Kalaallit Nunaanni najugaqavissuuguit najugaqarnermut uppernarsaat atorlugu uppernarsaassaatit. Najugaqarnermut uppernarsaat sullissivik.gl aqqutigalugu aasinnaavat
  • Tamakkiisumik kapitissimaguit vaccinepas-it atorlugu uppernarsaasinnaavutit.
  • Kalaallit Nunaannut nuuttussanngorsimaguit Kalaallit Nunaanni suliffeqarnerit inissaqarnerilluunniit uppernarsarsinnaavat. Tassani assersuutigalugu attartornermut isumaqatigiissut, atorfininnermut isumaqatigiissut imaluunniit sulisitsisoriligassavit allagaa atorsinnaavat.
Sapaatit akunnerisa 12-it iluanni Covid-19-imik tunillatsissimanerit, kisiannili tunillaasinnaajunnaarsimanerit uppernarsarsinnaagukku, tamakkiisumik kapitissimasutut killilersugaanngitsumik tikinnissamut periarfissaqarputit. Tamanna aamma EU-mi vaccinepas atorlugu uppernarsarsinnaavat.

Soorunami PCR-test tunillatsissimannginnermut uppernarsaaffiusoq, sivisunerpaamik nal. ak. 48-nik pisoqaassusilik, aammalu immersugassamik Sumut-mik immersuisimanermut uppernarsaat takutittussaavatit.