Inatsisit atuutsinneqarnerannut akisussaaffik Naalakkersuisoq Naaja H. Nathanielsenimit isumagineqartussanngorpoq

Inatsisit Atuutsinneqarnerannut akisussaaffik ulloq 18. juni Naalakkersuisoq, Eqaluk Høeghimit  Naalakkersuisoq Naaja H. Nathanielsenimit akisussaaffigineqalerallarpoq. Oqartussaaffiup allanngortikkallarnera 6. augustimit allanngortitsivinnertut isikkoqalerpoq.

 

Taamaasilluni Eqaluk Høegh Meeqqanut, Inuusuttunut Ilaqutariinnullu Naalakkersuisuulerpoq. Naaja Nathanielsen Ineqarnermut, Attaveqaqatigiinnermut, Aatsitassanut, Inatsisit Atuutitsinneqarnerannut Naligiissitaanermullu Naalakkersuisunngorpoq.

 

”Meeqqanut, Inuusuttunut Ilaqutariinnullu suliassat pimoorunnerullugit ingerlassinnaajumallugit oqartussaaffinnik allannguineq Naalakkersuisut Siulittaasuata, Múte B. Egede pissusissamisoortutut nalilerpa. Taamatut allannguinikkut suliassaqarfiup pineqartup ukkatarineqarnerulernissaa Naalakkersuisuni qularutiginngilarput. Tamatuma saniatigut Naaja H. Nathanielsen Inatsisit Atuutsinneqarnerannut Naalakkersuisuugallarnermini suliassaq pitsaasumik kivissimavaa suliassanillu nutaanik aallartitsisimalluni, qularutiginngilluinnarparalu suliassat pitsaanerpaamik isumagissagai”, Naalakkersuisut Siulitaasuat Múte B. Egede taamak ilisimatitsivoq.

 

 

Paasissutissat sukumiinerusut pillugit attavigineqassaaq:

Angutinnguaq Tittussen,  Naalakkersuisup allattaa, tlf. 345604, e-mail Angu@nanoq.gl