Kuannersuarni suliassaq pillugu tusarniaalluni ataatsimiititsinerit

Piffissami 23. - 28. august Kuannersuarni suliassaq pillugu tamanut ammasumik tusaniaalluni ataatsimiititsinissanut Naalakkersuisut matumuuna aggersaapput.

 

 

Ataatsimiititsinerit pilersaarut matuma kingulianiittoq naapertorlugu ingerlanneqassapput:

 

 

Ulloq

Piffissaq

Inissisimaffik

Narsarsuaq

23. august 2021

NAL 19:00 - 21:30

Akunnittarfik

Qassiarsuk

24. august 2021

NAL 19:00 – 21:30

Atuarfik

Narsaq

25. august 2021

NAL 19:00 – 21:30

Katersortarfik

Qaqortoq

26. august 2021

NAL 19:00 - 21:30

Akunnittarfik

Igaliku

27. august 2021

NAL 19:00 - 21:30

Katersortarfik

Nanortalik

28. august 2021

NAL 19:00 – 21:30

Kulturhuset

 

Tusarniaanermut najoqqutassat tamanut saqqummersinneqarnerannut aammalu Namminersorlutik Oqartussat nittartagaanni tamanut ammasumik tusarniaassutigineqarnerannut atatillugu,  Tamanut ammasumik tusarniaalluni ataatsimiititsinerit oqartussanit ingerlanneqassapput. Piffissaq tusarniaaffiusoq ulloq 13. september 2021 naassaaq.

 

Innuttaasut suliassamik saqqummiivigineqarnissamut tamatumalu kingorna apeqquteqarnissamut, Greenland Mineralsimut, oqartussanut aamma aatsitassanut suliassaqarfimmi immikkut ilisimasalinnut arlaannaannulluunniit attuumassuteqanngitsunut nalunaaruteqarnissamut il.il. periarfissinneqarnissaat siunertaralugu tusarniaalluni ataatsimiititsinissat aaqqissuunneqarput. Ornigulluni ataatsimiititsinerit saniatigut, teknikkikkut tamanna ajornartinnagu tusarniaalluni ataatsimiititsinerit toqqaannartumik malinnaavigineqarsinnaassapput.

 

Ataatsimiititsinerni najuutissapput Ineqarnermut, Attaveqatigiinermut, Aatsitassanut, Inatsisit Atuutsitsinneqarnerannut Naligiisitaanermullu Naalakkersuisoq, Naaja H. Nathanielsen, Nunalerinermut, Imminut Pilersornermut, Nukissiutinut Avatangiisinullu Naalakkersuisoq, Kalistat Lund aamma Peqqinnissamut Naalakkersuisoq, Kirsten L. Fencker.

 

Pilersaarummut COVID-19-p atuunnerata nalaani aaqqissuussinernik ingerlatsinissamut maleruagassat malittarisassallu apeqqutaapput. Taamaattumik piffissaq sumiiffillu allannguuteqarsinnaassapput.

 

Aggialluarisi.

Jørgen T. Hammeken-Holm, Aatsitassanut Naalakkersuisoqarfimmi naalakkersuisoqarfimmut pisortaaneq