Kapisilinniaruit nalunaaruteqartussaanerit eqqaamallugu

Kapisilinniarniaruit akuersissummik atuuttumik peqartussaavutit. Akuersissummik qinnuteqarnissaq pillugu sullissivik.gl-imi paasisassarsiorsinnaavutit.

Sunngiffimmi kapisilinniartunut akuersissummik qinnuteqarnissaq pillugu paasissutissat uaniipput

Inuussutissartiutigalugu kapisilinniartunut akuersissummik qinnuteqarnissaq pillugu paasissutissat uaniipput

 

Kinaluunniit kapisilinniartoq kapisilittani nalunaarutiginissaanut pisussaaffeqarpoq.

Kalaallit Nunaanni kapisilinniarneq pillugu ilisimasaqarnerulernissarput, siunissamilu Kalaallit Nunaanni kapisilinniarsinnaaneq aamma qulakkeerneqassapput.

 

Nalunaaruteqartussaanerit eqquutsinniarlugu imatut iliuuseqassaatit:

  • Qassusiareernerit tamaasa, KANUAANA-mut pisatit nalunaarutigisarlugit
  • Kapisilinniarlutit susaarnerit aamma nalunaarutigisarlugu
  • Kapisilinniarnerup naanerani akuersissutit atorsimanngikkukku KANUAANA-mut nalunaarutigalugu

Inuussutissarsiutigalugu sunngiffimmiluunniit kapisilinniartoq 2021-mi nalunaaruteqartussaanini eqquutsissimanngikkuniuk, kapisilinniarnermut 2022-mut akuersissummik qinnuteqaraluartoq tunineqarsinnaassanngilaq.

Pingaaruteqarpoq nalunaaruteqarnerit tamarmik KANUAANA-mut nassiunneqartarnissaat, aamma piaarnerpaamik nalunaaruteqartarnissaq, pisassiissutinik ilanngaanissamut KANUAANA periarfissinniarlugu, taamaasilluni aalisapiluttoqartinnagu kapisilinniarneq matusinnaaqqullugu. Pisassiissutit sipporlugit pisaqartoqarpat, ukiup tullianut pisassiissutit annikillisinneqarnerinik kinguneqarsinnaavoq.

Taamaattumik pingaaruteqarpoq pisatit piaarnerpaamik nalunaarutiginissaat eqqaamassallugu.

Pisat, akuersissutit atunngitsuukkat kiisalu susaarnerit pillugit nalunaaruteqartoqarsinnaavoq nalunaaruteqarnissamut immersugassaq sullissivik.gl-imiittoq atorlugu. Nalunaaruteqarnissamut immersugassaq pillugu ilitsersuut aamma sullissivik.gl-imi nassaarisinnaavat.

 

Pisanik nalunaaruteqarnerit, pisaqarnerup kingorna piaarnerpaamik nassiunneqassapput.

Susaarnerit akuersissutillu atunngitsuukkat pillugit nalunaaruteqarnerit, aqutsiveqarfiup akuersissuteqarfigisap matunerata kingorna kingusinnerpaamik ullut 14-it qaangiuppata nassiunneqassapput.

 

Nalunaaruteqarnissamut immersugassaq ilitsersuutaalu uani nassaarisinnaavatit.

 

Akuersissummik qinnuteqarnermi apeqqutissaqaruit, APN saaffigiuk e-mailikkut APN@nanoq.gl imaluunniit oqarasuaatikkut 34 50 00

Nalunaaruteqarnermut apeqqutissaqaruit, KANUAANA saaffigiuk e-mailikkut GFLK@nanog.gl imaluunniit oqarasuaatikkut 34 50 00