Upernavimmi aamma Qeqertarsuup Tunuani sinerissap qanittuani umiatsiaaqqamik qaleralinniarneq matuneqassaaq ulloq 30.07.2021

Kalaallit Nunaanni Aalisarsinnaanermut Akuersissutinik Nakkutilliisoqarfik matumuuna nalunaaruteqarpoq, aqutsiveqarfimmi Upernavimmi aamma Qeqertarsuup Tunuani sinerissap qanittuani umiatsiaaqqanut julimi qaleralittassiissutit nungunneqalermata aalisarneq matuneqassasoq ulloq 30.07.2021.

Matusinermi aqutsiveqarfimmi Upernavimmi aamma Qeqertarsuup Tunuani akuersissutit 47-JK-mik naaneqartut kisimik eqqorneqassapput. Malugeqquneqarpoq qamuteralaat, qimusseq ATV-illu aamma aalisarnermi atorneqaqqusaanngimmata.

Taamaattumik ulloq 30. juli 2021 nal. 23.59 aamma tunitsiviussaaq kingulleq ullorlu taanna aalisaatit tamarmik qaqinneqariissapput.

Aalisarneq aqutsiveqarfinni marlunni ammaqqinneqassaaq ulloq 1. august 2021.

Annertunerusumik paasisaqarusukkuit attavigiuk Kalaallit Nunaanni Aalisarsinnaanermut Akuersissutinik Nakkutilliisoqarfik oqarasuaat 34 50 00 imaluunniit e-mail gflk@nanoq.gl