Upernavimmi tuniluuttoqarsinnaaneranut atatillugu Naalakkersuisut kaammattuutaat

Upernavimmi Covid-19-imik aqunneqarsinnaanngitsumik tunillaassuuttoqarnissaanut aarlerinaateqarpoq, Naalakkersuisullu taamaattumik kikkut tamarmik Nunatsinniittut ersiutinik eqqumaffiginnissasut, Nunatta nakorsaaneqarfiata innersuussutaanik malinnissasut katersuunnaveersaassasullu kaammattuutigaat.

Ersiuteqaraanni angerlarsimaannartoqassaaq, assersuutigalugulu suliartorani. Taamatuttaaq Covid-19-imut misissortittariaqarnerluni najukkami peqqinnissaqarfimmut siarngutigineqassaaq taamaalillutik naliliisinnaaniassammata.

Nunatta nakorsaaneqarfiata Upernavimmi pisut pillugit nalunaarutaa kingulleq uani atuarneqarsinnaavoq: Upernavimmi tuniluuttoqarpoq

Peqqinnissamut Naalakkersuisoq, Kirsten Fencker, ima oqaaseqarpoq:

”Massakkut Nunatta nakorsaaneqarfiata, Peqqinnissaqarfiup, Politiit oqartussallu allarpassuit, nukissat amerlaqisut, Covid-19-ip tunillaassuunnissata akiorniarneranut atorpaat. Kisimiillutilli akiuussinnaanngillat. Taamatut suliniuteqarnermi innuttaasut tamakkiisumik tapersersuinissaat pisariaqartippaa.

Upernavimmi nunattalu sinnerani innuttaasut tamaasa, ataatsimut suliniummi uani akisussaaqataaqqullugit qinnuigissavakka. Ataatsimut sammisaqaqatigiittarnerup kiisalu illoqarfiit nunaqarfiillu akornanni angallannerit ingerlatiinnarneqarnissaat kissaatigineqartoq paasisinnaalluarpara. Piffissamili massakkutut ittumi, Covid-19-imik tunillaassuuttoqarnissaanut aarlerinaateqartillugu, angallannerit katersuunnerillu pisariaqavinngitsut tamaasa pinaveersaartariaqarpagut.”