2021-mut kapisilinniarnermut TAC kiisalu aqutsinissamik pilersaarut

Naalakkersuisut kapisilinniarneq pillugu aqutsinissamik pilersaarut akuersissutigaat Aqutsinissamut pilersaarut NASCO-mi aqutsinissamik isumaqatigiissut naapertorlugu pisassiissutit 30 tonsiupput.

Aqutsinissamik pilersaarut

Naalakkersuisut kapisilinniarnissamut aqutsinissamik pilersaarut akuersissutigaat.  Aqutsiveqarfiit pingasunut avinneqarnerini Aqutsinissamut pilersaarut una siullersaavoq.  Aqutsinissamut pilersaarutip suliarinera aallartippoq Aalisarneq pillugu Siunnersuisoqatigiit innersuussineratigut.

Suleqatigiissitaq Aalisarnermut Piniarnermullu Naalakkersuisoqarfimmit, Nunalerinermut, Imminut Pilersornermut, Nukissiutinut Avatangiisinullu Naalakkersuisoqarfimmit, KANUAANA-mit, Pinngortitaleriffimmit, KNAPK-mit, Sulisitsisunit, Kommunegarfik Sermersuumit kiisalu Nuummi Sisimiunilu sunngiffimmi aalisartartut peqatigiiffiinit inuttaqartumit 2020-mili aqutsinissamik pilersaarut suliarineqarluni aallartinneqarpoq.

 

Aqutsinissamik pilersaarummi maanna aqutsinissamik pilersaarutaareersuni suliaasut, soorlu akuersissutinut piumasaqaatit, nalunaaruteqartussaatitaaneq, aamma pisaqarsimannginnermik nalunaartussaatitaaneq ilanngullugu kiisalu ukiup siuliani piffissaq eqqorlugu nalunaaruteqarsimanngikkaanni akuersissummik pisinnaannginneq kiisalu qassutinik tissukartittakkatinik atuinissamut inerteqqutit atuutsinneqaannassapput.

 

Suliniutit nutaat ukuupput:

 

-       Kalaallit Nunaata aqutsiveqarfinnut pingasunut agguataarneqarnera; Avannaanut, Kujataanut aamma Kalaallit Nunaata kangianut.

-       Aqutsinissamik pilersaarummi agguaasseriaaseq malillugu aqutsiveqarfiit tamarmik pisassiissutinit pisassinneqassapput.

-       Aqutsivinni tamani pisassiissutit inuussutissarsiutigalugu aalisartunut sunngiffimmilu aalisartunut agguaanneqartassapput

-       Aqutsiveqarfiit tamarmik immikkut piffissamik aalisarfissinneqarput.  Naalakkersuisut KNAPK isumasioqatigereerlugu aqutsiveqarfinnut ataasiakkaanut aalisarnissamut  ullut aallartittarfissai aalajangersassavaat

-       Inuussutissarsiutigalugu aalisartut amerlanerpaamik qassutit 20-t atorlugit aalisarsinnaapput

-       Pisaqarsimanngikkaluaraanniluunniit aqutsiveqarfiup attuumassuteqarfigisap matuneqarneraniit kingusinnerpaamik ullut 14-t qaangiunneranni nalunaarutigineqassapput

 

Nutaatut taaneqartariaqarpoq Kapisillit kuuanni aalisarniaraanni tassunga akuersissummik peqaqqaartariaqarmat.

 

Aqutsinissamut pilersaarut uani takuuk: https://naalakkersuisut.gl/~/media/Nanoq/Files/Attached%20Files/Fiskeri_Fangst_Landbrug/GL/2021/Forvaltningsplan%20laks%20FP%20SAL%202021%20KAL.pdf

 

2021-mi kapisilinniarnissamut TAC

Kapisilinniarneq pillugu NASCO-mi aqutsinissamik isumaqatigiissut naapertorlugu Kalaallit Nunaanni pisassiissutit 30 tonsiussasut Naalakkersuisut aalajangiuppaat. Aqutsinissamik pilersaarut naapertorlugu aqutsiveqarfinnut ukununnga pisassiissutit ima aalajangersarneqarput:

 

 

Aqutsiveqarfiit

Pisassiissutit (tonsit)

 

Avannaata kitaani

11



Kujataata kitaani

16



Kalaallit Nunaata kangiani

3



 

 

Kommuni imaluunniit sullissivik.gl aqqutigalugu kapisilinniarnissamut akuersissummik qinnuteqarit.

 

Sukumiinerusumik paasisaqarusukkaanni immikkoortortaqarfimmi pisortaq attavigineqarsinnaavoq imlt. Aalisarnermut Piniarnermullu Naalakkersuisoqarfimmut allalluni, e-mail: apn@nanoq.gl

 

 

Paasisaqarnerorusukkuit Aalisarnermut Piniarnermullu Naalakkersuisoqarfik attavigiuk , apn@nanoq.gl.