Aasianni nipilersornermik ilinniarfik pillugu allaaserisamut naqqiut

Sermitsiaq/AG-p nittartakkakkut nutaarsiassiisarfiani https://sermitsiaq.ag/kl/nipilersornermik-ilinniarfikolsenip-aasiaat-kisiat-ikiorusuppaa qulequtaani allanneqarsimavoq Aasiaat kisiat ikiorniaringa. Tamanna eqqunngilaq.

 

Makkua ilaatigut tunngavigalugit eqqunngilaq;

1. § 37 naapertorlugu Doris J. Jensen apeqqutigaa Naalakkersuisut Aasianni Kulturikkut illorsuarmik nipilersornermullu ilinniarfimmik pilersitsinissamut pilersaaruteqarnersut Doris J. Jensen-imullu akissutiga taamaallaat Aasiannut tunngavoq.

 

2. Akissummi Aasiaat kisiat ikiorniarlugu eqqaasaqanngilanga tusagassiortumuna tamanna nammineq oqaaseqatigiiliorneq atoraa.

 

3. Erseqqissassavara kommunit tamarmik nipilersornermik ilinniarfeqalernissaata suliniuteqarfiginissaat soqutigisaraara, pingaartipparalu.

 

 

Inussiarnersumik inuulluaqqusillunga

Med venlig hilsen

 

 

Peter Olsen