Aalisarnermik nakkutilliineq pillugu nalunaarut nutaaq

Naalakkersuisut juunip 17-ianni 2021-mi aalisarneq pillugu nakkutilliinermut nalunaarut nutaaq akuersissutigaat.

Nakkutilliinermik nalunaarutaalersoq nakkutilliineq pillugu nalunaarutinik atuuttunik nutarterineruvoq ataatsimoortitsinerullunilu. Nalunaarut ullutsinnut naleqqunnerusunngortinniarlugu malittarisassiuunneqarpoq aamma innuttaasunut oqartussanullu paasiuminarnerulersinneqarnissaa siunertaralugu allannguutit arlallit atuutilersinneqarput.

Nalunaarummi ilaatigut siunertarineqarpoq nunatsinni aalisarnermi ERS-systemip atuutilersinneqarnissaa (Elektroniskimik pisanik nalunaarsuineq).

Nalunaarummi allannguutit pingaarnerit ilaatigut tassaapput:
  • Aalisariutit 17 meterinik takissusillit takinerillu ERS-systemi atulissavaat, taanna Kalaallit Nunaanni Aalisarsinnaanermut Akuersissutinik Nakkutilliivimmit akuerineqarsimasuussaaq. Aalisariutit ERS-imik atuinissaannik piumaffigineqartut ERS systemi kingusinnerpaamik januaarip 31-anni 2022-mi ikkutereersimassavaat.
  • Nalunaarummi paragraf 49 immikkoortoq 3 naapertorlugu aalisariutinut ERS-imik atortoqarnissamik aalisariutit takissusaannut piumasaqaat aggustip aallaqqaataani 2023-mi allanngortinneqassaaq naalineqarluni, aalisariutit 17 meterinik takigisunut takinernullu ERS-eqarnissamik piumasaqaat 15 meterinut takitigisunut atortuulersinneqassaaq.
  • Kalaallit Nunaanni Aalisarsinnaanermut Akuersissutinik Nakkutilliivik nunat erfalasullit nalunaarutigineqarnerat naapertorlugu Kalaallit Nunaanni Namminersorlutik Oqartussat oqartussaatitarigaat aalisakkanik tuniniaasut nunanut EU-mi ilaasortanut avammut tuniniaanissamut kissaateqaraangata pitsaassusiliinermut akuersisartuussalluni.
  • Aalisarneq pillugu inatsimmi paragraf 26-mi immikkoortoq 2-mi malittarisassat atuutsinneqalissapput, aalisarneq pillugu inatsimmi allassimasut unioqqutillugit tunniussineq, pisineq imaluunniit pisanik tuniniaaneq inerteqqutaavoq, malittarisassalluunniit inatsimmi atuutsinneqartut naapertorlugit.
  • Tunisassiat pillugit logbogit, aalisariummi pisanik nalunaaqutsersuineq, lastip qanoq amerlatigisunik imaqarneranik nalunaarsuineq uppernarsaatinillu taakkulu ilaannik nalunaarsuineq Kalaallit Nunaata inatsissaanni nunat tamalaat inatsisaat ilanngunneqarsimassapput.
  • Port States Control pillugu malittarisassat nalunaarummi ilanngunneqarput. Kalaallit aalisariutaataat nunani allani tulaassigaangata pineqaatissiinissamut periarfissat erseqqissarneqarlutik.
Attavigineqarsinnaavoq: KANUAANA-p pisortaa Michael Pedersen Michael, tlf. 34 50 00.