Umiatsiaararsortunut pisassiissutigineqartut allanngortinneqarput

Aqutsiveqarfinni Qeqertarsuup Tunuani Upernavimmilu juunimut juulimullu pisassiissutigineqartut allanngortinneqarput.

 

Aqutsiveqarfinni Qeqertarsuup Tunuani Upernavimmilu umiatsiaararsortunut qaammammut pisassiissutigineqartut nungulermata, pisassiissutigineqartut  Aalisarnermut Piniarnermullu Naalakkersuisup juunip 23-anni naleqqussaavigalugit allanngortippai. Taamaalilluni aalisarneq qaammatip sinnerani unigani ingerlaannassammat.  

 

Naalakkersuisup juulimut pisassiissutigineqartut aamma naleqqussaavigalugit allanngortippai aasaanerani aalisarneq unitsinneqarani ingerlaannarnissaa qulakkeerniarlugu. 

 

Qaleralinniarneq pillugu nalunaarut nutaaq naapertorlugu Naalakkersuisut aalisariutit 2020-mi pisassiissutinit aalisanngitsuugaat, juulimi naatsorsuereernerup kingorna, nuussinnaavaat.

 

Taamaattumik Naalakkersuisut aggustimit decembarimut pisassiissutit ilaannit juunimut juulimullu pisassiipput. Nuussinerup kingorna naatsorsuisoqareerpat qaammatinut pisassiissutigineqartut naleqqussaavigineqarumaarput.

 

Annerusumik paasisaqarusukkuit Aalisarnermut Piniarnermullu Naalakkersuisoqarfimmut apn@nanoq.gl-mut saaffiginnissinnaavutit.