Tusilartut ussersuutaannik atuisunut ungasianiit oqalutseqarsinnaaneq piareerpoq

Inuit akornanni attaveqartoqarniartillugu tusilartut ussersuutaannik atuisut ataasiakkaat unammilertagaat anigorsinnaajumallugit, siunissami ungasinnerusumi atorneqarsinnaasumik attanneqarsinnaasumillu aaqqiissutissamik Pissassarfik sivisuumik nassaarniarsarisimavoq.

Kommunit innutaasullu ataasiakkaat tusilartut ussersuutaannik atorfissaqartitsisut atorsinnaasaan-nik ungasianiik oqalutseqartitsinermik kiffartuussineq pillugu Pissassarfik Småtegn ApS-imut suleqateqarnissamik isumaqatigiissuteqarnikuuvoq. Kiffartuussineq digital-iuvoq attaveqaatillu oqarasuaat angallattagaq, iPad qarasaasiarlu atorneqarsinnaapput.

Småtegn ApS tassaavoq suliffeqarfik Danmark-imi inissisimasoq, tusilartut ussersuutaannik atuisunut aamma pisortat suliffeqarfiutaannut ungasianiik oqalutseqarnermik kiffartuussisartoq.

Tusilartut ussersuutaanik atuisuuit småtegn-illu kiffartuussinera atorfissaqartillugu taava kommunemi sullissisorisat attavigissavat.

Småtegn ApS tikilluaqqussutaa Pissassarfiup facebook-iani takuneqarsinnaavoq 

Ungasianiit oqalutseqarnermut paasissutissaq uani nanisinnaavat  https://smaategn.dk/groenland/ , Pissassarfik facebook Pissassarfiullu nittartagassaani www.pissassarfik.gl

 

Tusilartut ussersuutaannik atuisunut ungasianiit oqalutseqarsinnaaneq pillugu sukumiinerusumik paasissutissanik paasisaqarusukkuit Pissassammi Pillorissaasoq aamma Ineriartortitsinermut siunnersorti Sophia Mhina Jakobsen-imut attaveqarsinnaavutit +299 34 50 72, somj@nanoq.gl