Kangerluk imermik imigassamik minguitsumik peqaqqilerpoq

Nunalerinermut, Imminut Pilersornermut, Nukissiutinut Avatangiisinullu Naalakkersuisoqarfiup 11. juuni 2021-mi Kangerlummi imermik imigassamik misissueqqissaarnerup inernerinik tigusaqarpoq, tassanilu takutinneqarpoq, imeq imigassaq saffiugassanik aluminium-imik, saviminermik mangan-imillu akuerussimasoq.

28. maaji 2020-mi Naalakkersuisoqarfik nalunaaruteqarpoq, Kangerlummi imeq imigassaq saffiugassanik aluminium-imik, saviminermik aamma mangan-imik mingutsinneqarsimasoq, taamaattumillu erngup imigassatut atorneqarnissaa inassutigineqanngitsoq.

Naalakkersuisoqarfik Nakorsaaneq isumasioqatigereerlugu naliliivoq, imeq imigassatut atoqqinneqarsinnaalersoq.

Annertunerusumik paasisaqarusunnermi AC-Fuldmægtigi Susanne Berglund saaffigineqarsinnaavoq, susb@nanoq.gl