Namminersorlutik Oqartussat 2021-mi pisiniartarnissanut pilersaarutaat

Namminersorlutik Oqartussat pisiniartarnerisa paasiuminarnerulernissaat sunniuteqarluarnerunissaallu siunertaralugit ukiumoortumik pisiniartarnissanut pilersaarusiortoqartarpoq, pilersaarusiami ukiuni aggersuni pisiassanik pingaartinneqarnerpaat takutinneqarput.

Matuma ataani 2021-mut pisiniartarnissanut pilersaarummi Namminersorlutik Oqartussat 250.000 kr.-t sinnerlugit aamma suli isumaqatigiissutaanngitsunik pisiniarnissaminnik naatsorsuuteqartut takutinneqarpoq. Pisiassat 500.000 kr.-nik sinnerlugilluunniit naleqartut pisortatigoortumik suliariumannittussarsiuunneqassapput. Soqutiginnittut maannakkut pisortat suliariumannittussarsiuussinerannik nittartakkami uani ilisimasaqalernissaannik kaammattorneqarput, www.udbudsportalen.gl

2021-mut pisiniartarnissanik pilersaarut:

  • Benchmarking (Digitaliseeriinermut Aqutsisoqarfik)
  • Qarasaasianik sullissinerit: eBoksimik ineriartortitsineq atuuttussanngortitsinerlu (Akileraartarnermut Aqutsisoqarfik)
  • Pigaartartut kaaviiaartarnerat aamma kalerrisaarutinik sullissinerit (Illuutit Kiffartuussivillu)
  • Qarasaasianik sullissinerit: Ilanngaasivik (Akileraartarnermut Aqutsisoqarfik)
  • Server aamma attaveqaatit ingerlanneqarnerat (Digitaliseeriinermut Aqutsisoqarfik)
  • Nittartakkanik ineriartortitsinerit (Digitaliseeriinermut Aqutsisoqarfik)
  • Qarasaasianik sullissinerit: ATTAT-ip qarasaasiakkut aaqqiissuteqartarneranik ineriartortitsineq ikiuunnerlu (Ilinniartitaanermut,Kultureqarnermut Ilageeqarnermullu Naalakkersuisoqarfik)
  • GM-imik isumaqatiginniarnermi siunnersortinik ikiorteqarneq (Aatsitassanut Naalakkersuisoqarfik)
  • Paasissutissat OECD-mut tunngasut (Akileraartarnermut Aqutsisoqarfik)
  • Umeruat Touch-it iikkamut nivinngarneqartartut (Pisiortornermut Allaffik)
  • Qarasaasianik ineriartortitsisoq / imikkut ilisimasalik, tunngaviusumik isumaqatigiissut (Pisiortornermut Allaffik)
  • Kalerrisaarutit pigaartuusarnernilu kaaviiaartarnerit (Pisiortornermut Allaffik)
  • Papilissat (Pisiortornermut Allaffik)

Pisiortornissanut pilersaarusiorneq Naalakkersuisoqarfinnit aamma immikkoortortaqarfinnit 2021-mi pisiarisariaqakkamittut naatsorsuutigisatik pillugit akissuteqaataannik tunngaveqarpoq. Pisiortornermut Allaffimmi Naalakkersuisoqarfinni immikkoortortaqarfinnilu tamani pisiarisariaqagaat qaleriittuussagaluarpata tamakku akornanni ataqatigiissaarisoqartarpoq aammalu immikkoortortaqarfiit pineqartut eqqortunik pisinissaannik ikiortarlugit.

Paasissutissanik amerlanerusunik piniaraanni Pisiortornermut Allaffimmi allaffimmi pisortaq, Naja Lydeking-Olsen, mailikkut ugguuna nlyn@nanoq.gl imaluunniit oqarasuaatikkut ugguuna 34 52 08, attaveqarfigineqarsinnaavoq.