Upernaviup eqqaani kapitittut ikinnerat ernumanarpoq

akiuussusiineq Upernaviup eqqaani akiuussutissamik kapitinnissamut takkuttut ikittuararsuupput, tassanilu inuit attaveqaqatigiittarfiisigut tusatsiakkat eqqunngitsut peqqutaasimasinnaapput.

Peqqinnissaqarfimmi akiuussutissamik kapisisartut innuttaasunik inuit attaveqaqatigiittarfiisigut tusatsiakkanik eqqunngitsunik nangaatsitsisunik annilaangatitsisunillu suli naapitaqartarput. Alussaatit talermut nippusimasut assitaliussuunneqarput aammalu uppernarsaatitaqanngitsumik kapitereernermi kingorna assersuutigalugu timip kajungerisamik peqarnerulertarnera oqaatigineqartarluni.

Tusatsiakkat eqqunngitsut taakku ammaaqqinnissamut pilersaarutitsinnut, inuiaqatigiillu ataatsimut isigalugit peqqissusaannut, aammalu ajornerpaamik pisoqassappat inunnut annertuunik kingunerlutsitsisinnaapput.

Tusatsiakkat inuit ilaannut suunngitsuusinnaapput quianarsinnaallutilluoqartussaasuniilli qularineqanngilaq akiuussutissanik kapuinermi pilersaarutinut tapersersuineq pitsaanngitsumik sunniuteqartoq, aammalu innuttaasut ilaat sunnerneqarsimasut paasineqarpoq, taamaalillutik tusatsiakkat eqqunngitsut upperalugitingerlateqqittarlugillu.

20.000-it siullermeerlutik kapitereerput

Ullumikkut Kalaallit Nunaanni inuit 20.000-it sinnerlugit akiuussutissamik Pfizerimeersumik imaluunniit Modernameersumik kapitereerput. Kalaallit Nunaanni pissutsit eqqarsaatigalugit innuttaasut amerlasuut kapitissimasut oqaatigineqarsinnaavoq, sulilu nalornisoqassappat, ikinngutit akornanni apersuisoqarsinnaavoq, qanorlu innerannik tusarniaasoqarsinnaalluni.

Ilaquttat ikinngutillu akiuussutissanik kapitissimasut apersukkittaamaaliornikkut tusatsiakkat eqqunngitsut ingerlateqqinnaveersaarneqarsinnaapput. Akiuussutissanik kapuineq pillugu paasissutissanik siammasinnerusumik ujarleruit, kapitinnermi iluaqutissarpassuit annertunerusumik paasisaqarfigisinnaavatit. Tusatsiakkanik eqqunngitsunik allaaserinnittut naammattoorukkit soqutiginngiinnartassavatit imaluunniitcorona.nun.gl-imut innersuussisinnaavutit, tassani akiuussutissat pillugit annertunerusumik atuartoqarsinnaavoq.

Immitsinnut illersorniarluta akiuussutissamik kapitinnissamut akuersisarpugut–iluaqutissarli annerpaaq tassaavoq qanigisagut asasavullu illersortussaagatsigit.

Piffissami qaninnermi kapuisoqangaatsiassaaq

Akiuussutissanik kapuinermut pilersaarut aallartilluareerpoq, illoqarfiit nunaqarfiillu amerlasuut aalajangersimasumik pilersaaruteqarfigineqalereerput – taamaattumik corona.nun.gl aqqutigalugu illoqarfinni/nunaqarfinni qaqugu akiuussutissamik kapitinnissamut neqerooruteqartoqarnersoq malinnaavigiuk.

Kinguaattoornerit peqqutigalugit akiuussutissanik kapuisut arfininngorpat juuni 12-iani Upernavimmi kapueqqissapput, tassanilu utoqqaat angerlarsimaffianniittut aammalu innuttaasut 200-t missaanniittut kapitinnissamut neqeroorfigineqassapput. Taakku nal. 18.45 – 20.15 akornanni aggerlutik kapitissinnaapput.

Upernaviup eqqaani pilersaarutit

Upernaviup eqqaani orniguttut ikingaatsiarnerat peqqutigalugu sumiiffimmut pilersaarut immikkoortoq, matuma kingulianiittoq ingerlanneqassaaq, taakkunanilu akiuussutissamik kapitinnissamut akuersinissaq kaammattuutigineqarpoq. Ilaquttatit ikinngutitillu oqaloqatigikkit, immitsinnut akunnitsinnilu illersoqatigiinnissarput iluaqutaaginnassaaq.

 11. juni  Innaarsuit  16.00-18.00
 12. juni  Upernavik  18.45–20.15
 12. juni  Naajaat  09.00-10.00
 12. juni  Aappilattoq  15.00-17.00
 13. juni  Kangersuatsiaq  09.00-11.00
 13. juni  Upernavik Kujalleq  16.00-19.00

Iloqarfinnut nunaqarfinnullu pilersaarutit aalajangeriikkat

11. juuni, Moderna Tasiusaq Aalajangigaavoq
11. juuni, Moderna Tiniteqilaaq, 18+ Aalajangigaavoq
12. juuni, Moderna Tasiilaq, 18+ Aalajangigaavoq
13. juuni, Moderna Tasiilaq, 18+ Aalajangigaavoq
14. juuni, Moderna Atammik Aalajangigaavoq
14. juuni, Moderna Napasoq Aalajangigaavoq
15. juuni, Moderna Kangaamiut Aalajangigaavoq
15. juuni, Moderna Sermiligaaq, 18+ Aalajangigaavoq
15. juuni, Pfizer, kapiteqqinneq Nuuk Aalajangigaavoq
16. juuni, Moderna Tasiilaq, 18+ Aalajangigaavoq
16. juuni, Moderna Maniitsoq Aalajangigaavoq
17. juuni, Moderna Maniitsoq Aalajangigaavoq
17. juuni, Moderna Kuummiut, 18+ Aalajangigaavoq
17. juuni, Pfizer, kapiteqqinneq Nuuk Aalajangigaavoq