2021-mi avaleraasartoortassat ammassassuartassallu aalajangerneqarput

Naalakkersuisut maajip 14-anni 2021-mi ukioq manna avaleraasartoortassat aamma ammassassuartassat aalajangerpaat, avaleraasartoortassat 60.000 tonsiussapput ammassassuartassallu 25.000 tonsiussallutik. Naalakkersuisut ukioq manna avaleraasartoortassat aamma ammassassuartassat agguaannissaat juunip 3-anni 2021-mi aalajangersaavigaat.

Ukioq manna avaleraasartoortassat aamma ammassassuartassat linkikkut uani takusinnaavatit.

Qinnuteqarnissamut immersuiffissaq qinnuteqarnermilu killigitinneqartoq
Avaleraasartoorniarnissamut aamma ammassassuarnissamut immersugassakkut qinnuteqartoqassaaq. Qinnuteqaat uani aaneqarsinnaavoq.


Ulloq qinnuteqarfissaq kingulleq tassaavoq juunip 14-at 2021, qinnuteqaallu Sullissivimmut aamma uunga nassiunneqarsinnaavoq apn@nanoq.gl

Attavigineqassaaq: Jákup Emil Hansen, Aalisarnermut Piniarnermullu Naalakkersuisoqarfimmi immikkut siunnersorti. E-mail: jaeh@nanoq.gl