Upernavimmi qernertanik qilalugartassiissutit tamakkerneqarput

Upernavimmi qilalukkat qernertartassat 52-t tamakkerneqarput, taamaasillunilu ukioq manna Upernavimmi qernertarniarneq matuneqarpoq.

Aalisarnermut Piniarnermullu Naalakkersuisoqarfiup (APN) Aqutsiveqarfik Upernavimmiit qilalukkanik qernertanik pisarineqarsimasunit nalunaarutinik 57-nik tigusaqarsimavoq. 2020-imi Aqutsiveqarfik Upernavik pisassiissutinik 2-nik sinneqarpoq, taamaasillunilu ukioq manna pisanut nalunaarutit tiguneqartut naapertorlugit 3-nik sippuisoqarsimalluni.

 

Qilalukkanik qaqortanik qernertanillu illersuineq piniarnerlu pillugu Namminersorlutik Oqartussat nalunaarutaat nr. 3 27. januar 2017-imeersoq § 6, imm. 3 naapertorlugu Naalakkersuisut ukiumi pisassiiffiusumi tulliuttumi kommunimut pisassiissutinik appaasinnaasut, qilalukkanik qernertanik aqutsiveqarfimmi unioqqutitsisumik piniartoqartoq paasineqarpat. § 7, imm. 3 naapertorlugu akuersissut ataaseq ukiumi pisassiiffiusumit ataatsimit akuersissutip aqutsiveqarfimmi tunniunneqarfiani qilalukkamik ataatsimik pisaqarnissamut periarfissiivoq.

 

Qulaani taaneqartut isumaqarput naatsorsuutigineqassasoq 2022-mi pisassiissutissat 2021-mi pisaasimasunut nalimmassarneqarsinnaasut, 3-nik sippuisoqarsimanera tunngavigalugu.

 

 

 

Sukumiinerusumik paasisaqarusukkaanni immikkoortortaqarfimmi pisortaq Amalie Jessen Aalisarnermut Piniarnermullu Naalakkersuisoqarfik attavigiuk, oqarasuaat 34 53 04, e-mail: amalie@nanoq.gl