Nuummi akiuussutissanik kapuinerit marlunngornermi 1. juunimi aallartissapput

akiuussusiineq Nuummi Covid-19-imik tunillatsissimasunik nutaanik nassaartoqarmat, Nuummi innuttaasut 50-inik ukiullit utoqqaanerusullu (1971-imi inunngorsimasut utoqqaanerusullu) tamarmik akiuussutissamik kapitinnissaannut pilersaarut siuartinneqassasoq aalajangerneqarpoq Akiuussutissanik kapuinerit marlunngornermi 1. juni 2021 aallartissapput.

Nal. 8:30-miit nal. 17:30-mut Ukaliusap Atuarfiata eqaarsaartarfiani akiuussutissanik kapuisoqassaaq, utoqqaanerusut aallarniutigineqassallutik. Atuarfiup najugaraa: Prinsessevej 3.

Akiuussutissanik kapuinissamut pilersaarutaagallartut:

Marlunngorneq, 1. juuni: 61-iniit qummut ukiullit tamarmik

Pingasunngorneq 2. juuni: 60 – 57-inik ukiullit

Sisamanngorneq, 3. juuni: 56 – 54-inik ukiullit

Marlunngorneq, 8. juuni: 53 – 50-inik ukiullit

Piffissat taaneqartut iluanni ukioqatigiiaat agguaqqinneqarnissaat sulissutigineqassaaq. Allagartarsuit illoqarfimmi nivinngaassorneqartut, nittartagaq corona.nun.gl aamma Naalakkersuisut facebook-ikkut nittartagaat aqqutigalugit akiuussutissanik kapuinissamut pilersaarut pillugu sukumiisumik ilisimatitsisoqassaaq.