Kalaallit Nunaata sinniisoqarfiini kiinnat nutaat

Nunani allani kalaallit sinniisoqarfiini pisortatut aallartitaasut augustip aallaqqaataanit nikerartinneqarnerat ingerlanneqassaaq:
  • Jacob Isbosethsen Beijingimut Kinamiittumut sinniisoqarfiup nutaajusup pisortaatut aallartinneqassaaq. Jacob Isbosethsen maanna Reykjavikimi sinniisoqarfimmi pisortatut atorfeqarpoq.
  • Tove Søvndahl Gant u Reykjavikimi Islandimiittumi sinniisoqarfimmi pisortatut aallartinneqassaaq. Tove Søvndahl Gant Nunanut allanut, Inuussutissarsiornermut, Niuernermut Silaannaallu pissusaata allanngorarneranut Naalakkersuisoqarfimmi siunnersortaanertut maanna atorfeqarpoq.
  • Inuuteq Holm Olsen Bruxellesimi Belgiemiittumi sinniisoqarfimmi pisortatut aallartinneqassaaq. Inuuteq Holm Olsen Washington D.C.-mi maanna sinniisoqarfimmi pisortatut atorfeqarpoq.
  • Kenneth Høegh Washington D.C.-mi USA-miittumi sinniisoqarfimmi pisortatut aallartinneqassaaq. Kenneth Høegh maanna Nunanut allanut, Inuussutissarsiornermut, Niuernermut Silaannaallu pissusaata allanngorarneranut Naalakkersuisoqarfimmi pisortatut atorfeqarpoq.
  • Mininnguaq Kleist augustip aallaqqaataanit 2021 Nuummut angerlartussanngorpoq. Mininnguaq Kleist 2016-miilli Bruxellesimi sinniisoqarfiup pisortaatut atorfeqartinneqarpoq.
Nunanut allanut, Inuussutissarsiornermut, Niuernermut Silaannaallu pissusaata allanngorarneranut Naalakkersuisoq Pele Broberg ima oqaaseqarpoq:

“Nunani allani atorfeqartitat paarlaassornissaat, aammalu Beijingimi sinniisoqarfimmi nutaami pisortartaartitsineq naammassineqarsinnaammat nuannaarutigaara.

Taamatuttaaq nunanut allanut tunngassutilinni suliaqartitavut angerlamut suliartortinneqarneri nannaarutigaara, pissusissamisoorpoq nunani allani sulisut maanilu nunatsinni sulisut paarlaatsinneqartarnissaat.

Ilanngulluguttaaq oqaluttuarisinnaavara ullumikkut nunani allani sulinermik misilittagaqarluartunik nunatta nunani allani soqutigisaanik suliaqartussanik suleqateqaratta. Suleqatigiit eqaatsumik nikerarsinnaanerat, nunatsinniillu ungasikkaluani suliaqarnissamut piumassuseqarluarnerat qujassuteqarfigaara.”

Annertunerusumik paasisaqarusunnermi saaffigineqarsinnaavoq Juno Berthelsen, Inuussutissarsiornermut, Niuernermut, Nunanut Allanut Silallu Pissutaata Allangoriartorneranut Naalakkersumut allatsi oqa.+ 299 26 73 72 , e-mail: jube@nanoq.glKontaktinformation