2021-imi aktiaatileqatigiiffinni Namminersorlutik Oqartussanit pigineqartuni nalinginnaasumik ataatsimeersuarneq

Aktiaatileqatigiiffinni Namminersorlutik Oqartussanit pigineqartuni 14-ini nalinginnaasumik ataatsimeersuarnerit Namminersorlutik Oqartussat piffissami aggersumi ingerlatissavaat. Ataatsimeersuarneq siulleq ataasinngorneq ulloq 17. maj 2021 nal. 11.00 ingerlanneqassaaq. Ataatsimeersuarnernut tamaginnut tamanut ammanissaa periarfissaqassaaq, Microsoft Teams aqqutigalugu toqqaannartumik ataatsimeersuarneq malinnaaffigineqarsinnaassalluni. Ataatsimeersuarnerit digitalimik link-it Naalakkersuisut nutaarsiassaqartitsivianni aamma Facebook-imi qupperneranni paasissutissiissutigineqartut aqqutigalugit, kiisalu lngerlatseqatigiiffinnut allattoqarfiup Linkedln-imi qupperneratigut malinnaaffigineqarsinnaapput.

Ataatsimeersuarnerit toqqaannartumik aallakaatinneqarnerannut uani link-imi inussiarnersumik takuuk,

lngerlatseqatigiiffiit inuiaqatigiinnut kalaallinut nunallu ineriartornissaanut tapersiissutissaminnik pitsanngorsaassasut Naalakkersuisuniit piumasaqaatigineqarpoq. Peqatigiilluta nutaanik isumassarsisassaagut periarfissaqalersitsisassallutalu, najukkani naleqartitat aalajangiusimaannassavagut, nutaamik eqqarsarnissaq aallarnisaasarnissarlu qulakkiissallutigu aammalu pingaarnertut siuariartornissap aammalu kinguaassatsinnut pitsaanerpaamik tunngaveqartitsinissap qulakkeersinnaanissaanut inissaqartitsissaagut periarfissiissallutalu.

lngerlatseqatigiiffiit suleqatigalugit ukiuni aggersuni ineriartornerup sunniivigisinnaanissaanut periarfissaqarmat Naalakkersuisut nuannaarutigaat. Tassunga atatillugu siulersuisut katitigaanerat Naalakkersuisut pingaartippaat aammalu nukittuumik piginnaasaqartut misilittagallillu atorneqarnissaat kiisalu nunatsinneersunik ingerlatseqatigiiffiit aqutsisuinik nukittorsaanissaq qulakkeerniarlugu.

Tamatuma piviusunngortissinnaanissaanut, kinguaariit tulliinut inissaqartitsinissarput, taamaaliornermilu suut Kalaallit Nunaanni ingerlatseqatigiiffimmi immikkut ingerlatitsisuusarnersut ilinniarsinnaanissaanut paasisinnaanissaanuIlu periarfissaqarnissaannik qulakkeerinissarput, aamma pisariaqarpoq. Piginnaasaqarmata upperisariaqarparput, pingaarnerpaatullu pikkorinnerulerusuttut tapersersussavagut kiisalu suli pikkorinnerulernissaannik ikiussallugit.

Taamatut oqaaseqarlutik Naalakkersuisut ingerlatseqatigiiffimmi sulisut aqutsisullu sulinerannut qutsavigaat aammalu sulilluarnissaannik tamaasa kissaallugit,

lnussiarnersumik inuulluaqqusillunga
Múte Bourup Egede

Annertunerusunut attaveqarfigineqassaaq:
Lars Balslev, lngerlatseqatigiiffinnut allattoqarfik, Naalakkersuisut Siulittaasuata Naalakkersuisoqarfia mail: laba@nanog.gl imaluunniit mobil. +299 52 27 77