Kujataani akiuussutissanik kapiteqqinnissaq neqeroorutigineqalerpoq

akiuussusiineq

Innuttaasut covid-19-imut akiuussutissamik kapiteqqittussat neqeroorfigineqarput, aammalu apriilimi kapitittut ikinnerat peqqutigalugu innuttaasut siullermeerlutik kapitikkusuttut neqeroorfigineqarlutik.

Ullut arfineq pingasuinnaat ingerlanerini akiuussutissat sumiiffinnut 14-inut assigiinngitsunut siaruarterneqalerpata aqunneqalerpatalu, piffissamut pilersaarut pimoorussiviusoq atorneqaqqittussanngorpoq.

corona.nun.gl aqqutigalugu malinnaagit

Kujataani akiuussutissanik kapuinissamut pilersaarut maanna tamanut ammasumik saqqummiunneqarsimalerpoq aammalu nittartakkami nutaami, corona.nun.gl-imi “Akiuussutissiineq” aamma “Akiuussutissiineq tulliuttoq” ataanni saqqummiunneqarluni. Sila peqqutigalugu pilersaarut allannguiffiusinnaavoq, taamaattumillu Corona pillugu Allattoqarfimmiit nittartagaq aqqutigalugu malinnaasoqarnissaa inassutigineqarpoq.

Piffissamut sumiiffissamullu allannguisinnaaneq sillimaffigalugu, maannaagallartoq pilersaarut imatut isikkoqarpoq:

Najugaqarfik

Ulloq

Tikiffik

Aallarfik

Arsuk

Ataasinngormat 10. maj

08.00

12.00

Qassimiut

Ataasinngormat 10. maj

19.00

22.00

Igaliku

Marlunngorneq 11. maj

08.00

11.00

Qassiarsuk

Marlunngorneq 11. maj

11.30

14.30

Narsarsuaq

Marlunngorneq 11. maj

15.00

19.00

Tasiusaq

Pingasunngorneq 12. maj

08.00

11.00

Narsarmijt

Pingasunngorneq 12. maj

14.00

17.00

Aappilattoq

Pingasunngorneq 12. maj

19.00

23.00

Nanortalik

Sisamanngorneq 13. maj

08.00

 

Nanortalik

Tallimanngorneq 14. maj

 

16.00

Alluitsup Paa

Arfininngorneq 15. maj

08.00

13.00

Ammassivik

Arfininngorneq 15. maj

18.00

22.00

Saarloq

Sapaat 16. maj

08.00

10.00

Eqalugaarsuit

Sapaat 16. maj

13.00

17.00

Narsaq

Ataasinngorneq 17. maj

08.00

 

Narsaq

Marlunngorneq 18. maj

 

17.00

 

Akiuussutissaq Moderna-meersoq atorlugu kapuisoqassaaq

Innuttaasut 18-inik ukiullit utoqqaanerusullu akiuussutissamik kapitinnissamut neqeroorfigineqarnerminni akuerseqqullugit kaammattorneqarput. Kisianni naartusut milutsitsisullu maannarpiaq kapitinnissamut neqeroorfigineqarsinnaanngillat, akiuussutissat taakkununnga akuerisaanngimmat. Akiuussutissaq atorneqartoq Moderna-meersuuvoq. Akiuussutissamik kapitittut covid-19-imik napparsimarujussualernissamut pitsaasumik illersorneqalertussaapput. Tuniluuttoqalernissaa pinngitsoortinniarlugu sapinngisamik amerlanerpaat akiuussutissanik kapitinnissaat pingaaruteqarpoq.

Neqeroorut salliutissiuk

Nunami isorartuumi aammalu najugaqarfinni avinngarusimasuni sapinngisamik amerlanerpaat kapitinnissaat annertuumik aaqqissuunneqartariaqarpoq, taamaattumillu akiuussutissanik kapuisut najuunnerini innuttaasut akiuussutissamik kapitinnissamut akuerseqqullugit kajumissaarneqarput. Maanna akiuussutissamik kapitinnissamut neqeroorummut itigartitsiniarluni aalajangertoqarpat, aammalu kingusinnerusukkut isuma allanngortinneqarpat, akiuussutissamik kapuinerup nalinginnaalernissaanut utaqqisoqartariaqarsinnaavoq.