Savat meqquinik atuisinnaanissamut isumassarsiorfissaq

Innovation South Greenland A/S nalunaarusiaq Inuussutissarsiutitut periarfissatsialak – Savap meqqui – Pinngortitamit isumalluut piuaannartitsisoq. Nalunaarusiaq Naalakkersuisunit, Aalisarnermut, Piniarnermut Nunalerinermullu Naalakkersuisoqarfimmit, nunalerineq pillugu immikkoortortaqarfimmit suliakkiissutaavoq.

Nalunaarusiaq soqutiginartunik imaqarpoq:
  • Oqaluttuassartaa ullumikkullu killiffipput
  • Suliarineqarnerisa ingerlarngat
  • Savat meqquinik suliat
  • Niuerpalaartumik takorluukkat
  • Kalaallit savaataasa qiviuinik suliffeqarfiat imaalilluni iluatserujussuarsinnaavoq
Kujataani ukiut tamaasa savat meqqui 24 tonsit missaanniittut killorneqartarput. Savat meqqui atorneqarnerat ukiuni arlaqaqisuni aaqqissuussaanngitsumik pineqartarput, savat meqquisa amerlanersaat maannakkut atorneqaratik igiinnarneqartarput ikuallanneqarlutillu.

Taamaattumik Innovation South Greenland piumaffigineqarpoq misissuissasoq savat meqqui aningasatigut inuiaqatigiinnullu piuaannartitsinermik siunertaqarluni nunatsinni iluaqutiginarneqarsinnaanersut.

Nalunaarusiap siunertaraa misissussallugu aamma nassuiaatigissallugu niuernerpalaartumik periarfissatut takorluukkat aamma savat meqquisa tunisassiarinissaasa ingerlaasii nassuiaassutigissallugu, najukkani savat meqquinik tunisassiorfimmik pilersitsissagaanni.

Nalunaarusiaq uani atuarsinnaavat. Nalunaarusiaq kikkunnilluunniit savap meqquinik suliaqarfiusinnaasumik aallartitsinissamut isumassarsiorfigineqarsinnaasutut suliaavoq.

Attavigineqarsinnaavoq Aalisarnermut, Piniarnermut Nunalerinermullu Naalakkersuisoqarfimmi AC-fuldmægtig, Kenneth B.T. Primdal. E-mail: kbtb@nanoq.gl