Kalaallit Nunaanni coronavirusi pillugu nittartagaq nutaaq

corona.nun.gl

Kalaallit Nunaanni coronavirusi (Covid-19) pillugu pillugu paasissutissat pisortatigoortut tamarmik nittartakkami nanineqarsinnaassasut Corona pillugu allattoqarfik ilisimatitsivoq. Nittartagaq iserfissanit marlunnit, corona.nun.gl-imit aamma corona.gl-imit, Nunatta Nakorsaaneqarfiata nun.gl-imi paasissutissiisarfianut iserfissaasunit, iserfigineqarsinnaassaaq.

Tamatuma saniatigut paasissutissat amerlanerusut saqqummiunneqarlutillu nittartakkap aaqqissuunneratigut atoruminarsaasoqarsimavoq.

Nittartakkami Kalaallit Nunaanni coronavirusi, paasissutissat nutaanerpaat, katerisimaartarnernut angalanissamullu nalunaarutit, angerlarsimaannaqqusaanermut aalajangiussat, akiuussusersuinermut statistikkit paasissutissallu attuumassutillit allat pillugit paasissutissat nutaat nanisinnaavatit.

Suliniutip uuma coronavirusi pillugu pisortatigut paasissutissiisarneq pitsanngorsaaqataaffigalugulu assigiiaarnerusumik paasissutissiisoqartarnissaa qulakkeerinneqataaffigissava. Nittartakkat ullumimit iserfigineqarsinnaalissapput.