Qeqertarsuatsiaani, Paamiuni Qaqortumilu kapitereersimasunik kapueqqinnissaq

Qeqertarsuatsiaani, Paamiuni Qaqortumilu innuttaasut, Coronamut akiuussutissamik siullermeerlutik kapitereersimasut sapaatit akunnerata tulliani kapiteqqinnissamut neqeroorfigineqassapput.

Sapaatit akunneranni matumani Kalaallit Nunaanni Pfizer/BioNtech-imiit akiuussutissat nassiunneqartut arfineq aappassaannik tigusaqarpoq, akiuussutissallu ilaatigut Qeqertarsuatsiaani, Paamiuni aamma Qaqortumi innuttaasunik kapitereersimasunik kapueqqinnissamut atorneqassapput.

Marlunngornermi 16. marts 2021-mi Qeqertarsuatsiaani, pingasunngornermi 17. marts 2021-mi aamma sisamanngornermi 18. marts 2021-mi kapitereersimasunik kapueqqittoqarnissaa pilersaarutigineqarpoq. Kisiannili sila peqqutigalugu piffissat kapitiffissat allannguuteqarsinnaapput.

Qeqertarsuatsiaani kapueqqinnissat

Qeqertarsuatsiaani innuttaasut 16-ileereersimasut, februaarimi siullermeerlutik kapitissimasut marlunngornermi 16. marts atuarfimmi nal. 9 aamma 10.30 akornanni kapeqqinneqassapput.


 

Piffissaq

Siunnerfiit

Nal. 09.00

65-inik ukiullit utoqqaanerusulluunniit

Nal. 09.30

50 – 64-inik ukiullit

Nal. 10.00

30 – 49-nik ukiullit

Nal. 10.30

16 – 29-nik ukiullit

 

Paamiuni kapueqqinnissat

Paamiuni 65-ilereersimasut, siullermeerlutik kapitereersimasut pingasunngornermi 17. marts kapiteqqinnissamut neqeroorfigineqassapput. Utoqqaat angerlarsimaffianni najugallit sulisullu nal. 9-miit utoqqaat angerlarsimaffianni kapiteqqissinnaapput, kiisalu 65-ileereersimasut sinneri nal. 10 aamma 13 akornanni timersortarfimmi ornigullutik aappassaanneerlutik kapitissinnaapput.


 

Piffissaq

Siunnerfiit

09.00

Utoqqaat angerlarsimaffianni najugallit.

10.00

Ulloq 1.2.3.-mi inunngorsimasut

10.30

Ulloq 4.5.6.7.8.-mi inunngorsimasut

11.00

Ulloq 9.10.11.12.-mi inunngorsimasut

11.30

Ulloq 13.14.15.16.17.-mi inunngorsimasut

12.00

Ulloq 18.19.20.21.22.-mi inunngorsimasut

12.30

Ulloq 23.24.25.26.-mi inunngorsimasut

13.00

Ulloq 27.28.29.30.31.-mi inunngorsimasut

 

Qaqortumi kapueqqinnissat

Qaqortumi 65-ileereersimasut, aammalu siullermeerlutik kapitissimallutik aappassaannik kapitissimanngitsut sisamanngornermi 18. marts nal. 9.30 aamma 12.30 akornanni katersortarfimmut ornigullutik kapiteqqissinnaapput. Qaqortumi innuttaasut nunap immikkoortuani napparsimmavimmit attaveqarfigineqarumaarput.

 

Issittumi Sakkutooqarfimmit ikiorneqarnissaq

Febaruaarimi akiuussutissanik kapuiartornermi Issittumi Sakkutooqarfiup ikiuunnerani iluatsitsineq sapaatit akunnerata tulliani kapueqqinnissamut atatillugu uteqqinneqassaaq. Misiligummik angallassinermi paasineqarpoq, akiuussutissat aserujasut umiarsuarmi qerititsivimmi, annertuumik qerititsisinnaasumi inissisimatinneqarsinnaasut, aammalu umiarsuarmiit nunamut nakkaaneqarnissamut sajuppilutsitsinissamullu annikitsuinnarmik ulorianartorsiorfigineqarlutik assartorneqarsinnaasut.

 

Paasissutissanik amerlanerusunik perusukkuit Nakorsaaneq Henrik L. Hansen attavigiuk.