Allakkatigut qinerseqqusinissamut videot naatsuliat

Naalakkersuisut 6. april 2021-imi qinersinnginnermi allakkatigut qinersinissamut kaammattuillutik naatsunik videoliortitsipput.

Corona pissutigalugu killilersuinerit ataatsikkullu qinersinerit qassiit pissutigalugit Naalakkersuisut kommunillu kaammattuipput sapinngisamik inuit amerlanerpaat ulloq qinersiffissaq sioqqullugu allakkatigut qinersiartussasut.

Ullormi qinersiffiusumi qinersiffissami qinersinerit ataatsikkut pingasuutinneqarlutilluunniit sisamaatinneqassapput. Qinersisartut taamaattumik sivisunerusumik utaqqisarnissartik ullormilu qinersiffiusumi qinersinermi sullinneqarnissap nalinginnaasumit kigaannerunissaa naatsorsuutigissavaat.

Maanna kommunimut saaffiginninnikkut qinersinernut sisamaasunut allakkatigut qinersisoqarsinnaalereerpoq. Malugiuk, kommunit allaffii qinersinnginnermi poorskip nalaani matoqqassammata.

Videot Naalakkersuisut Facebookkimi qupperneranni takuneqarsinnaapput:
https://www.facebook.com/naalakkersuisut

Aamma Naalakkersuisut YouTube-mi nittartagaanni takuneqarsinnaapput:
https://www.youtube.com/channel/UCYc5BJWmqlgQFP_zoNlC0Yw

Videot siulliit ikkunneqareerput, kingulliit kingusinnerpaamik 12. marts ikkunneqassapput.

Paasissutissat sukumiinerusut pillugit immikkoortortaqarfimmi pisortaq Klaus Georg Hansen attavigineqarsinnaavoq, mail: kgh1@nanoq.gl, telefon: 34 51 11, mobil: 54 73 46