Qinersinerit sisamat apriilip arfernani 2021

Marlunngorneq ulloq 6. april 2021 Inatsisartunut, kommunalbestyrelsimut, nunaqarfimmi aqutsisunut aamma ilagiit sinniisaannut qinersisoqassaaq. Nunaqarfimmi aqutsisunut qinersinissaq taamaallaat nunaqarfimmi najugaqartunut atuutissaaq.

Qinersinissanut sisamaasunut tamanut allakkatigut taasinikkut qinersinerup ullua sioqqullugu taasisinnaavutit. Coronamik tuniluuttoqarsinnaanera pissutigalugu allakkatigut taasinissaannik kommunit aamma Namminersorlutik Oqartussat kaammattuutigaat. Piffissaqarluarlutit allakkatigut taasigit, taamaalilluni allakkatigut taasinerit piffissaq eqqorlugu anngussinnaassalluni. Kommunip allaffianiit allakkatigut taasisinnaavutit.

Inatsisartunut qinersineq
Ulloq qinersiviusoq tassaavoq marlunngorneq ulloq 6. april. Marlunngorneq ulloq 23. februaari aallarnerfigalugu siusinnerpaamik allakkatigut taasisinnaavutit.

Kommunalbestyrelsimut qinersineq
Ulloq qinersiviusoq tassaavoq marlunngorneq ulloq 6. april. Ulloq 1. januaari aallarnerfigalugu allakkatigut taasisinnaalereerputit.

Nunaqarfinni aqutsisunut qinersineq
Ulloq qinersiviusoq tassaavoq marlunngorneq ulloq 6. april. Ulloq 1. januaari aallarnerfigalugu allakkatigut taasisinnaalereerputit.

Ilagiit sinniisaannut qinersineq
Ulloq qinersiviusoq tassaavoq marlunngorneq ulloq 6. april. Ulloq 1. januaari aallarnerfigalugu allakkatigut taasisinnaalereerputit.

Qinersisartut allassimaffianniippit?
Qinersinerni sisamani tamani taasisinnaanissamut qinersisartut allassimaffianni sumiiffimmi pisortatigoortumik najugaqarfigisarnut atuuttumi allassimassaatit. cprinut nalunaarsuiffimmi najukkat pisortatigoortumik najugaraat. Qinersisartut allassimaffianniinnerpit qulakkeernissaa illit akisussaaffigaat. Qinersisartut allassimaffianniinnerlutit kommunimut apeqqutigisinnaavat.

Qinersinerni sisamani tamani kommunimi najugaqarfigisarni qinersisartut allassimaffianniissinnaanissamut, kingusinnerpaamik qinersinerup ullua sapaatit akunnerinik 6-nik sioqqullugu najukkavit allanngortinnera nalunaarutigisimasussaavat. Inatsisartunut qinersinermi aamma kommunimut qinersinernut pingasunut najukkap allanngortissimaneranut piffissamut killiliussaq tassaavoq marlunngorneq ulloq 23. februar.

Paasissutissat sukumiinerusut pillugit attavissaq: Immikkoortortaqarfimmi pisortaq Klaus Georg Hansen, kgh1@nanoq.gl, 34 51 11.