Partiimi qinigassanngortittut allattorsimaffiannut tunniussineq pillugu aalajangiineq

Qinersinermut ataatsimititaliami kommunalbestyrelsemut qinersinissamut partiimi qinigassanngortittut allattorsimaffiannut tunniussineq pillugu aalajangiineq

Qinersinermut ataatsimiititaliaq ulloq 24. februar 2021 ataatsimiinnerminni kommunalbestyrelsimut qinersinissamut ulloq 6. april 2021 partiimi qinigassanngortittut allattorsimaffiannik tunniussinermi suliassanngortitaq ataatsimiissutigisimavaat.

Parti Siumup qinigassanngortittut allattorsimaffiat qinersivinni Kommune Kujallermi aamma Kommuneqarfik Qeqqertalimmi piffissaq eqqorlugu tunniussimavaat kisianni qinersinermik siulersuisunut kukkusunut. Siumup qinigassanngortittut allattorsimaffiat pineqartoq Kommuneqarfik Sermersuup qinersinermik siulersuisunut tunniussimavaa. Taamanna kommuninut qinersinermut inatsimmi § 15-imut naapertuutinngilaq, tassani aalajangersarneqarpoq, nalunaarutigineqartut qinigassanngortiffini ataasiakkaani qinersinermik siulersuisunut nalunaarutigineqartassasut.

Qinersinermut ataatsimiititaliap aalajangerpaa, pisoq ajusaarnartorujussuusoq. Qinersinermut ataatsimiititaliap peqatigitillugu aalajangerpaa, kukkuneq ima ajortiginngitsoq, immineerluni Siumup partiip qinigassanngortittunut allattorsimaffianik Kommune Kujalliup aamma Kommune Qeqertaliup qinersiviini tunniussanik tigusinnginnissamut tunngaviliissasoq. Qinersinermut ataatsimiititaliap tamanna tunuliaqutaralugu aalajangerpaa, tunniussineq atuuttussatut isigineqartariaqartoq.

Qinersinermut ataatsimiititaliap aalajangerneranut aamma tunngaviuvoq, siornatigut Qinersinermut ataatsimiititaliap aalajangiussarisimasaanik taamatut pisimasumik tunngavissaqarmat, tassani tamat oqartussaaqataanerat assigiinngisitaartoq qulakkiissallugu pingaartinneqarmat.

Peqatigitillugu Qinersinermut ataatsimiititaliap sakkortuumik innersuussutigaa, partiit tamarmik annertunerusumik sissuernerusariaqartut, nalunaarfissatut piffissaliussat soorlu qinersinissamut qinigassanngortittut nalunaarutigineqarnerat pineqaraangat. Qulakkeerneqartariaqarpoq, nalunaarutiginninnermut allattuiffiit immersorneqarneri eqqortuunissaat aamma piffissaq qinersinernut ataasiakkaanut atuuttoq killiliussaq sioqqullugu tunniunneqartarnissaat.

Qinersinermut ataatsimiititaliami ilaasortat tassaapput:
Naalakkersuisut Siulittaasuata Naalakkersuisoqarfiani naalakkersuisoqarfimmi pisortaaneq, siulittaasoq, Hans-Peder Barlach Christensen.
Naalakkersuisuni inatsisilerinermi pisortaq, Jógvan Svabo Samuelsen.
Ilaasortaq kommunit peqatigiillutik toqqagaat, Lars Møller-Sørensen.
Kalaallit Nunaanni Biskoppi, Paneeraq Siegstad Munk.
Ilisimatusarfimmi rektori, Gitte Adler Reimer.

Naalakkersuisut Qinersinermut ataatsimiititaliamik pilersitsisarput. Qinersinermut ataatsimiititaliap aalajangiineri inaarutaasuupput aamma allaffissornikkut oqartussamut allamut suliakkiunneqarsinnaanatik.


Paasissutissat sukumiinerusut pillugit attavissaq: Immikkoortortaqarfimmi pisortaq Klaus Georg Hansen, kgh1@nanoq.gl, 34 51 11