Aviâja Egede Lynge Meeqqat illersuisuattut ingerlaannassaaq

Naalakkersuisut Aviâja Egede Lynge Meeqqat illersuisuattut 2025-ip tungaanut toqqarneqassasoq aalajangerpaat

Meeqqat illersuisuattut atorfik inuttassarsiorneqarsimalerpoq Naalakkersuisullu isumaqarput Meeqqat illersuisuat pillugu Inatsisisartut inatsisaanni aalajangersakkat Meeqqallu illersuisuata suliassai piginnaasassaalu tunngavigalugit Aviâja Egede Lynge qinnuteqartuni piukkunnarnersaasoq.

Aviâja Egede Lynge Meeqqat illersuisuattut 2015-imili atorfeqarpoq.

Isumaginninnermut, Ilaqutariinnut, Inatsisinik Atuutsitsinermut Peqqissutsimullu Naalakkersuisoq Martha Abelsen oqarpoq:
”Aviâja Egede Lyngep toqqarneqarneratigut meeqqat illersuisuattut atorfiup ingerlanneqarnerata allannguuteqanngitsumik ingerlaannarnissaa qulakkeerneqarmat nuannaarutigaara. Meeqqat pisinnaatitaaffiisa qulakkeerneqarnissaannik suliaqarneq ukiuni kingullerni annertuumik angusaqarfiusimavoq taamaammat meeqqat illersuisuata meeqqat illersuisoqarfianik ineriartortitseqqinnissaa suliallu pingaaruteqaqisup ingerlaqqinnissaa malinnaavigissallugu qilanaaraara”.

Naalakkersuisut Meeqqat illersuisuat pillugu aamma Meeqqat pillugit Siunnersuisoqatigiit pillugit Inatsisartut Inatsisaat malillugu Meeqqat illersuisuannik toqqaasarput, toqqarneqartorlu Meeqqat pillugit Siunnersuisoqatigiinni aamma siulittaasuussaaq. Meeqqat illersuisuat ukiuni sisamani atuuttussatut toqqarneqartarpoq. Toqqaaqqittoqarsinnaavoq.

Paasisaqarnerunissamut attavissaq: Naalakkersuisoqarfimmi pisortaq Julie Præst Wilche, oqarasuaat 55 11 90