Uummannami qaleralinniarneq pillugu Sermitsiami februarip tallimaani 2021-mi ilanngussamut akissuteqarneq

Sermitsiami ullormi februaarip tallimaani 2021-mi kiisalu Sermitsiaq.Ag-mi ullormi februaarip arfernani 2021-mi ilanngussaq, Uummannami aalisarnikkut ajalusoor-toqarsinnaasoq, innersuussutigalugu Aalisarnermut, Piniarnermut Nunalerinermullu Naalakkersuisoqarfik makkuninnga erseqqissaateqassaaq:

Siullertut pisassiissutigineqartut qaffanneqartarput appartinneqartarlutillu, tamannalu pissusissamisuuginnarpoq aalisarnernilu tamani pisarluni. Pingaartumik tamanna pisin-naavoq aalisarnerni pisassiissutit ukiuni arlaqartuni ilisimatuussutsikkut siunnersuinerniit qaffasinnerusimatillugit aamma aalisarnerup annertusineqarnerani aalisarnermilu aallutaqartut amerlisimatillugit. Uagut inuit pinngortitamik aqutsisinnaannginnatta aalisartut ilisimasaqarfiginerpaavaat, taamaammallu aalisagaaruttarneranut tamatigut piareersimasarnissarput pingaaruteqartuaannarpoq.

Aappaattut Naalakkersuisoqarfiup erseqqissaatigissavaa januarip aallaqqaataaniit 2021-mit periarfissamik nutaamik eqqussisoqarsimammat, taamaaliornikkut Naalakkersuisut ukiumut pisassiissutit atorneqanngitsoortut agguaateqqissinnaassammatigik.
Periarfissaq tamanna ukiuni kingullerni sinerissap qanittuani qaleralinniarnerit misis¬suif-figeqqissaarnerat tunngavigalugu Naalakkersuisunit akuersissutigineqarpoq. Misissueq-qissaarnerni paasinarsivoq angallatinut tunngatillugu juulip aallaqqaataani aalisarnerup naanerani pisassiissutit nuunneqarsimasut tamakkerlugit aalisarneqarsimanngitsut, ullorlu taannaavoq kingulleq ukiumut pisassiissutit nuunneqarsimasut aalisarneqarfissaat. Pisassiissutit pineqartut umiatsiaararsortut ukiup naanissaata tungaanut pisaria¬qartitaanik matussusiisinnaassasut ilimagineqarpoq. Periarfissaq tamanna sinerissap qanittuani qaleralinniarnermi eqqunneqartoq Uummannamut aamma atuuppoq. Taamatut nutaamik periarfissiinerup kinguneraa aalisarneqanngitsoortut angallatinik piginnittut ukiut siuliinit nuussimasaat, siusinnerusukkullu utertinneqarsimasut, massakkut sinerissap qanittuani juulip aallaqqaataata kingorna pisassiissutit naatsorsuiffigine¬qareerpata pisariaqartitsineq naapertorlugu agguaanneqaqqissinnaalissammata.

Qaleralinnut pisassiissutit tamakkiisumik atuiffiginissaat qulakkeerniarlugu kiisalu ukiup ingerlanerani pisariaqanngitsumik pisassiissutit qaffanneqarnissaat pinngitsoortinniarlugu periarfissaq tamanna Naalakkersuit eqquppaat.

Aalisarnermut, Piniarnermut Nunalerinermullu Naalakkersuisoqarfiup nalilerpaa aningaa-saqarnikkut atugassarititat ilanngussami saqqummiunneqartut eqqortuunngitsut. Periar-fis¬saq nutaaq tamanna aamma isumaqarpoq siunissami ukioq naallugu ataavartumik aalisartoqarsinnaalernissaa, taamaalillunilu aamma aningaasaqarnermut ataatsimut tapeeqataalersinnaanissaa.

Taamaaliornikkut aalisarfiit pisassiiffiunngitsut atorunnaarsinnerisigut sunniutaasussat minnerpaaffianiitinneqassapput, Uummannamilu aalisarnermik ajornartorsiulernissaq pinngitsoortinneqassalluni.