Nunani Avannarlerni Siunnersuisoqatigiinnit Avatangiisinut Nersornaat 2021

Nunani Avannarlerni Siunnersuisoqatigiinnit Avatangiisinut Nersornaat 2021: Nunatsinni nunaniluunniit avannarlerni nungusaataanngitsumik inuussutissalerinermik ineriartortitsisumik ilisarisimasaqarpit?

- Taamaappat ilisarisimasat Nunani Avannarlerni Siunnersuisoqatigiinnit Avatangisinut Nersornaat 2021-mut innersuussinnaavat

Ukioq manna Nunani Avannarlerni Siunnersuisoqatigiit avatangiisinut nersornaasiutagaannut nungusaataanngitsumik inuussutissalerineq qulequtarineqarpoq.

Ukioq manna nunani avannarlerni suliallit, nungusaataanngitsumik inuussutissalerinermi immamiit nunamiillu nerrivimmut – uterlugulu – piareersaasarnermik ineriartortitsillutik immikkut ittumik suliniutillit siunnerfigineqarput.

Avatangiisinut nersornaat Kalaallit Nunaanni imaluunniit nunami avannarlermi suliffeqarfimmut inuussutissarsiorfiusumut, aaqqissuussaanerannut imaluunniit inummut, nungusaataanngitsumik inuussutissalerinermik ineriartortitsinermi tapersiiniarluni, taamaalillunilu aamma avatangiisit pillugit immikkut ittumik suliaqarsimasumut tunniunneqassaaq.

Piukkussannik nersornaammut ataqqinartumut, 300.000 koruuninik aningaasartalimmut innersuussinissamut periarfissaqarputit. Nersornaammik tunineqartussap Kalaallit Nunaat imaluunniit nunat avannarliit siunnerfigissavai, aammalu nunami avannarlermi aamma/imaluunniit nunat avannarliit avataanni suleqatinik attaveqarluni suliaqassalluni.

Ukioq manna nersornaat pillugu atuagaqarsinnaavutit piukkussannillu innersuussisinnaallutit, uani.

Innersuussileruit innersuussinermut immersugassaq immersussavat, tassungalu tunngavilersuut annerpaamik A4-mik ataatsimik annertussusilik ilanngutissavat.

Piukkussanik innersuussinissamut 12. maaji 2021 killigitinneqarpoq.

2. novembari 2021-mi Nunani Avannarlerni Siunnersuisoqatigiit Københavnimi ataatsimiinnerannut atatillugu Nunani Avannarlerni Avatangiisinut Nersornaammik pissarsisussatut ajugaasoq tamanut ammasumik saqqummiunneqassaaq.

Annertunerusumik paasisaqarusunnermi www.norden.org takuneqarsinnaavoq, imaluunniit Ilisimatusarnermut Avatangiisinullu Naalakkersuisoqarfik: pan@nanoq.gl Oqarasuaat 345000-mut attaveqarfigineqassaaq.


Paasissutissat

Oqaaseq ”inuussutissalerineq” sulianut, inuussutissanik tunisassiorniarluni inuussuteqarniarlunilu pilersinneqarsimasunut atuuppoq.
Aalisarnermut, nunalerinermut, niuernermut, atugassanik tuniniaanermut, assartuussinermut atuinermullu tunngasinnaavoq.
Inuussutissat inuit tunngaviusumik pisariaqartitaraat. Inuussutissaatigut atoriaannaanermik saniatigut pissarsiariumartussaapput qaffasissumillu pitsaassuseqartussaallutik.
Allatut oqaatigalugu inuussutissaatigut akitigut inornartuussanngillat mingutsitsisuussanatillu.