Tunumi, Qaanaami Qimusseriarsuarmilu aalisarneq ineriartortinneqassaaq

Naalakkersuisut sumiiffinni pineqartuni aalisarnerup ineriartortinneqarnissaanut 1 million koruuninik aningaasaliissuteqarput.

Naalakkersuisut pingaartippaat nunatta imartaata qularnaatsumik tamarmi aalisarfigineqarnerata ineriartortinnissaa, taamaattumik Naalakkersuisut aningaasanut 2021-mut inatsisikkut 1 million koruunit Tunumi, Qaanaami aamma Qimusseriarsuarmi aalisarnerup ineriartortinneqarnissaanut aningaasaliissutigaat.

Kikkulluunniit aalisarnerup ineriartortinneqarnissaanut tunngavilersuuteqarlutik suliniuteqartut qinnuteqarsinnaapput.

Suliniutit tamarmik Tunumi, Qaanaami Qimusseriarsuarmilu aalisarnerup ineriartortinneqarnissaanut tapersuisut isiginiarneqassapput.

Soqutiginnittut tamarmik suliniutiminnik pilersaarutsik missingersuusiartillu Aalisarnermut, Piniarnermut Nunalerinermullu Naalakkersuisoqarfimmut nassiussinnaavaat:

apnn@nanoq.gl
Imaneq 1A, 701
3900 Nuuk


Sukumiinerusumik paasisaqarusukkaanni immikkoortortaqarfimmi pisortaq Katrine Kærgaard, Siunnersortit pisortaat, oqarasuaat 34 53 65, e-mail: katk@nanoq.gl