Naalakkersuisut ikinnerussuteqarlutik ingerlaannassapput

8. februar 2021 Demokraatit Naalakkersuisooqataajunnaassallutik aalajangerput.

Tamatuma kingunerisaanik Siumut aamma Nunatta Qitornai ikinnerussuteqarlutik Naalakkersuunertik ingerlatiinnassavaat.

 

Naalakkersuisut Siulittaasuat, Kim Kielsen, nalunaarpoq:

 

”Pitsaasumik ataqqinnittumillu suleqatigiissimavugut, taamaattumillu naalakkersuisooqatigiinnit tunuarnerat, suleqatigiinnerullu maanga unitsinneqarnera, uggoraara. Pisut paasilluarpakka aammalu pilersitsiviulluartumik suleqatigiinnerup Inatsisartut inersuaanni ingerlaqqissinnaassasoq neriuutigalugu.”

 

Akisussaaffiit ima agguataarneqassapput:

 

Naalakkersuisut Siulittaasuata, Kim Kielsenip Nunanut Allanut Nukissiuuteqarnermullu tunngasut akisussaaffigissavai.

 

Aningaasaqarnermut Naalakkersuisup, Vittus Qujaukitsup Inuussutissarsiornermut Aatsitassanullu tunngasut akisussaaffigissavai.

 

Isumaginninnermut, Ilaqutariinnermut Inatsisinillu Atuutsitsinermut Naalakkersuisup, Martha Abelsenip Peqqissutsimut tunngasut akisussaaffigissavai.

 

 

Attaveqarfigineqarsinnaapput Naalakkersuisut Siulittaasuata allattai: Steve Sandgreen, stev@nanoq.gl & Angutinnguaq Tittusen, angu@nanoq.gl