Kuannersuarnut tunngatillugu tusarniaanerup piffissaa sivitsorneqarpoq

Naalakkersuisut akueraat, Kuannersuarni piiaaffeqalernissamik suliniummut atatillugu tusarniaanerup piffissaa 1. juni 2021 tikillugu sivitsorneqassasoq.

Naalakkersuisut innuttaasunit kissaatit arlariit tusaaniarpaat, aalajangernerminnilu piareersaanermi aqutsinermi ajornartorsiuteqarneq pingaarnerutillugu. Sillimaniarnermi navianaatit killiliisimapputtaaq.

 

Kiisalu, Naalakkersuisut kissaatigaat kommunenut qinersinissaq qajassuunniarlugu. Pingaarpoq kommunalbestyrelset nutaat tusarniaanermi peqataatinnissaat angumerissallugu, taakkuuppummi piiaaffiliorniarnermik suliniutaasinnaasumik avatangiiseqartussat.

 

Naalakkersuisunit peqataaffigineqanngitsunik pilersaarutaasutut tusarniaanermut atatillugu ataatsimiisitsisoqassaaq, tassani Greenland Minerals A/S-imeersunik oqartussaneersunillu innuttaasut naapitaqarsinnaassallutik.

 

Piffissami aggersumi ataatsimiinnissanut pilersaarutinik nutaanik suliaqartoqassaaq, tassanittaaq politikkikkut aallartitat peqataassapput.

 

Suliffeqarnermut Aatsitassanullu Naalakkersuisoq Jens-Frederik Nielsen:

”Naalakkersuisunut pingaaruteqarpoq inatsisit tunngavigalugit tamat oqartussaanerat allaavigalugu suliap unitsinneqannginnissaa, Naalakkersullu pingaartippaat suliami kikkunnut tamanut toqqissisimasoqarnissaa.

 

Uaniippugut, suliamut atatillugu tamatta eqqartuivugut isummersorlutalu. Tamannalu tusarniaanerup qiteraa. Aatsaat aalajangiisoqarumaarpoq Naalakkersuisut isumaqalerpata, suut tamarmik misissoqqissaarneqareersimalersut. Tusarniaanerup sivitsortinnerata tamanna pitsanngorsassavaa.”

 

Aatsitassanut Inatsimmi § 87 b, immikkoortoq 3 naapertorlugu tusarniaanermut piffissamik sivitsuisoqarpoq, tassani Naalakkersuisut tusarniaanermi piffissamik sivitsuissappata, “naapertuuttumik iliorluni tusarniaatitsinernut atasumik innuttaasunik ataatsimiisitsoqarsinnaanngippat imaluunnit Naalakkersuisut ataatsimeeqataasinnaanngippata.”

 

Naalakkersuisut tusarniaanermik piffissamik sapaatit akunnerinit 8-nit sapaatit akunnerinut 12-inut sivitsueqqaaraluarput. Tusarniaanermi piffissaq  manna sapaatit akunnerini 23-it missaannik sivisussuseqarpoq.

 

 

 


Attavissat:
Naalakkersuisup allattaa; Salik Damgaard, oqaras.: +299 346894

Naalakkersuisoqarfimmi Pisortaaneq, Jørgen T: Hammeken-Holm, oqaras.: +299 346846