Atorfillit Kattuffiat aamma Namminersorlutik Oqartussat ataatsimoorlutik nalunaarutaat

Namminersorlutik Oqartussat aamma Atorfillit Kattuffiat (Attaveqaat) sapaatip akunnera isumaqatigiinniareerlutik teleteknikerit il. il. ukiunut sisamanut isumaqatigiissuteqarfigaat. Isumaqatigiissutigineqartoq ilaasortanit taasissutigineqassaaq, kingornalu Naalakkersuisunit akuerineqassalluni. Ilaasortat akuersippata isumaqatigiissut nutaaq 31. marts 2023-ip tungaanut atuutissaaq.
Isumaqatigiissummi sulititsiinnarnissamut sulisussarsiortarnissamullu, utoqqalinermusiassat pitsaanerungaartunut kiisalu erninermi sulinngiffeqarnermi tamakkiisumik akissarsiaqarnissamut aamma meeqqap innartinneqarneranut angajoqqaatut atukkat pitsanngoriarnerannut tunngasut pineqartut ilagaat. Pineqarputtaaq Tele Greenland A/S-imi atorfinitsitsisarnermut atatillugu piginnaasanik ineriartortitsineq.

Ilaasortat angusanut akuersippata, 1. april 2021 aallarnerfigalugu feeriarnissamut aningaasaateqarfimmut ataatsimoorussamut peqataalissapputtaaq.

Isumaqatigiissut 31. marts 2023-ip tungaanut atuutissaaq.

Paasissutissat allat piniarneqarpata isumaqatigiinniarnermut pisortaq Frederik Schmidt mailimut fsch@nanoq.gl imaluunniit isumaqatiginninniarnermi aqutsisoq katuffimmilu siulittaasoq Dina Olsen aknuuk@ak.gl-mut attavigineqassaaq.