Kalaallit Nunaannut nunatsinnilu angalanermi piumasaqaatit pillugit nalunaarut nutaaq

Peqqissutsimut Naalakkersuisoqarfiup Kalaallit Nunaannut nunatsinnilu angalanermi piumasaqaatit pillugit nalunaarutip nutartigartaa ullumi saqqummiuppaa. Nalunaarut ulloq 23. Januaari 2021-mi atuutilissaaq.

Nalunaarummi pingaarnertut siunertaasoq tassaavoq, nunatsinnut tikinnissaq  sioqqullugu Covid-19-imut misissortissimaneq ullunik amerlanerpaamik tallimanik pisoqaassuseqarnissaannik piumasaqaatip (akunnerniit 120-niit) ullunut pingasunut (akunnernut 72-inut) allanngortinnissaa.
Tamanna isumaqarpoq ulloq 23. januaari 2021-miit kingornalu avataaniit angalasussat Covid-19-imik nappaateqannginnermut uppernarsaammik ullut pingasut qaangerlugit pisoqaanerunngitsumik takutitsisinnaasariaqartut.
Allannguuteqarnerup kingunerisaanik avataaniit angalasussat piffissaqarluarlutik Covid-19-imik misissortinnissaminnik inniminniisarnissartik eqqumaffiginerussavaat.


Danmarkimi misissuiviit tamanit orninneqarsinnaasut soorlu Rigshopitalip saniatigut misissuiviit sorliit akuerineqarsimanersut nun.gl-ikkut annertunerusumik atuartoqarsinnaavoq.

Nunatsinnut tikereernermiit qaqugukkut Covid-19-imik misissortittoqarsinnaaneq allanngortinneqassanngilaq. Misissortinneq suli siusinnerpaamik tikinnermiit ullut tallimassaani pisinnaavoq.