Saattuat pillugit aqutsinissamut pilersaarutit

Naalakkersuisut saattuat pillugit aqutsinissamut pilersaarut januaarip 5-anni 2021-mi akuersissutigaat:

Saattuarniarnermut akuersissummik tunniussinermi ima sunniuteqassaaq:

  • Inuussutissarsiutigalugu aalisartunut nutaanut saattuarniarnissamut akuersissutinik ukiuni tulliuttuni marlunni januaarip aallaqqaataanit 2021-mit decembarip 31-annut 2022-mut tunniussisoqassanngilaq.

 

  • Nutaanik marlunnik aqutsiveqarfeqalerpoq, aqutsiveqarfik Sisimiut marlunnut avinneqarpoq aamma aqutsiveqarfik Nuuk-Paamiut marlunnut avinneqarluni. Taakku avataaniipput sinerissallu qanittuaniillutik (tunngaviusumik killigititap 3 sømilip timaani avataanilu). Aqutsiveqarfiit allat allannguuteqassanngillat. Taamaalilluni assagiarsunnut aqutsiveqarfiit arfineq pingasuulerput.

 

  • Saattuarniarnissamut akuersissut aqutsiveqarfinnut marlunnut atorneqarsinnaasoq nangittumik januaarimit decembarimut tunniunneqartassaaq.

 

  • Aalisariutinut 75 BRT/120BT-mik mikinernut saattuarniarnissamut akuersissummik taamaallaat tunniussisoqarsinnaavoq. 

 

  • Aamma piumasaqaatigineqarpoq atortoq escape window, allunaasaasoq arrorsinnaasoq pullatinut nermunneqarsimassasoq. Isumaqatigiissutigineqarpoq piumasaqaatigineqartoq ukioq ataaseq ikaarsaarfittut atorneqassasoq, aalisartunit aalisaataalersoq ukioq manna naleqqussarfigineqassaaq. 

 

  • Pullatit immap naqqani qaleriaarlugit pineqarnissaat inerteqqutaavoq.

 

Saattuarniarnermut allanik maleruagassiisoqanngilaq. 

 

Aajuku aqutsiveqarfinnut pisassiissutigineqartut:

 

Upernavik

191 tons

Qeqertarsuup Tunua – Uummannaq

576 tons

Sisimiut, sinerissap qanittuani

483 tons

Sisimiut, avataani

68 tons

Maniitsoq

37 tons

Nuuk-Paamiut, sinerissap qanittuani

806 tons

Nuuk-Paamiut, avataani

214 tons

Qaqortoq-Narsaq

260 tons

Saattuat katillugit

2.635 tons

 

 

 

 

 

 

 

 

 

 

 

 

 

 

 

 

 

 

 

 

Attavigineqarsinnaavoq Aalisarnermut, Piniarnermut Nunalerinermullu Naalakkersuisoqarfimmi immikkoortortami pisortaq, Birgitte Jacobsen. E-mail: bija@nanoq.gl