Avataasiortut 2021-mi pisassaat agguaanneqarput

Aalisakkat avataani 2021-mut pisassiissutigineqartut Naalakkersuisut decembarip 17-ianni 2020-mi agguaappaat.

Nunatsinni aalisariutaatileqatigiinnut pisassiissutigineqartut tassaapput nunanut ataasiakkaanut isumaqatigiissuteqareernerup kingorna sinneruttutut pineqartut.

Aalisakkat pisassiissutigineqartut tassaapput: Nunatta avannaata avataani aamma kujataata avataani qalerallit, Tunup avataani qalerallit, Tunup avataani saarulliit, Tunup avataani tinguttuut, Tunup avataani suluppaakkat, saarullernat aamma Savalimmiut imartaanni ammassassuit kiisalu nunat tamalaat imartaanni saarulliit, misaqqarnat aamma Barentshavimi aalisakkat sej-inik taaneqartartut, saarulliit arlaat.

Akuersissutit Aalisarnermut, Piniarnermut Nunalerinermullu Naalakkersuisoqarfimmi juullip ukiutoqqallu akornanni agguaanneqarput. Aalisariutit ilaat avataani 2021-mut pisassiissutigineqartunik aalisalereerput.

 

Una toorlugu Pisassanik agguaaneq - Naalakkersuisut pisassiissutigineqartut agguaanneqarneri takuneqarsinnaapput.

 

Attavigineqarsinnaavoq Aalisarnermut, Piniarnermut Nunalerinermullu Naalakkersuisoqarfimmi immikkoortortami pisortaq, Birgitte Jacobsen. E-mail: bija@nanoq.gl