Kuannersuarni suliassaq pillugu innuttaasunik ataatsimiititsinerit

Piffissami 22. – 26. januar 2021 Kuannersuarni suliassaq pillugu innuttaasunik ataatsimiititsinissanut Naalakkersuisut aggersaapput.

Ataatsimiititsinerit pilersaarut matuma kingulianiittoq naapertorlugu ingerlanneqassapput:

Ulloq

Piffissaq

Inissisimaffia

Narsarsuaq

22. januar 2021

Nal. 19:00 - 22:00

Akunnittarfik

Qassiarsuk

23. januar 2021

Nal. 11:00 - 14:00

Atuarfik

Igaliku

24. januar 2021

Nal. 11:00 - 14:00

Katersortarfik imaluunniit vandrerhjemmi

Qaqortoq

25. januar 2021

Nal. 19:00 - 22:00

Akunnittarfik

Narsaq

26. januar 2021

Nal. 19:00 - 22:00

Katersortarfik

COVID-19-p atuunnerata nalaani katersuuttarnernut maleruagassat malittarisassallu atuuttut pilersaarummut tunngavissaatinneqarput. Taamaattumik piffissaq sumiiffillu allanngorsinnaassapput.

Tusarniaanermut najoqqutassat tamanut saqqummersinneqareernerannut aammalu Namminersorlutik Oqartussat nittartagaanni tamanut ammasumik tusarniaassutigineqarnerannut atatillugu tamanut ammasumik innuttaasunik ataatsimiititsinerit oqartussanit ingerlanneqassapput.

Innuttaasut suliassamik saqqummiussivigineqarnissamik, tamatumalu kingorna suliassamik piginnittumut, oqartussanut aammalu aatsitassanut suliassaqarfimmi immikkut ilisimasalinnut arlaannaannulluunniit attuumassuteqanngitsunut apeqquteqarnissamut, naluunaarutiminnik tunniussinissamut il.il. periarfissinneqarnissaat siunertaralugu ataatsimiititsinerit aaqqissuunneqarput.

Ataatsimiititsinerni najuutissapput Naalakkersuisut Siulittaasuat Kim Kielsen, Inuussutissarsiornermut Aatsitassanullu Naalakkersuisoq Jens-Frederik Nielsen aamma Suliffeqarnermut, Ilisimatusarnermut Avatangiisinullu Naalakkersuisoq Jess Svane.

Aggialluarisi

Jørgen T. Hammeken-Holm, Aatsitassanut Naalakkersuisoqarfimmi naalakkersuisoqarfimmut pisortaaneq, oqa.: +299 34 50 00