Nunaateqarnerup/savaateqarnerup ineriartortinneqarnissa 2021-2030

Aalisarnermut Piniarnermut Nunalerinermullu Naalakkersuisoqarfiup (APNN) nuannaarutigalugu nalunaarutigissavaa Nunalerineq pillugu periusissiap 2021-2030-moortup saqqummiunneqarnera. Periusissiaq decemberimi siusinnerusukkut Naalakkersuisunit akuersissutigineqarpoq, tamanut ammasumik tusarniutigeqareernerata kingorna.

Nunaateqarnerup 2030-ip tungaanut ineriartortinneqarnissa Periusissiami pingaarnertut anguniagaavoq, tamatumalu ineriartortitsinerup Kalaallit Nunatsinni inuussutissanik imminut pilersornerulernissamut annertunerulersitsinermik kinguneqartussaavoq.

Ineriartortsitsinerlu makkunannga suliaqarnikkut ingerlanneqassaaq:

  1. Savaaqqat ukiumut 28.000-it toqorarneqartalissasut
  2. Ukiuunerani nerukkaatissat 80%-iisa nammineq naatsittalernissaat
  3. Naatitanik tunisassiorneruneq
  4. Nunalerinermik inuussutissarsiutip imminut akilersinnaanerulernissaa
  5. Ilisimasanik pisariaqartinneqartunik nunalerinermik inuussutissarsiuteqartunut ingerlatitseqqittarnerup annertusarnissaa
  6. Nunaateqarfiit akornanni aqqusinniornerit pitsanngorsarneqarnissat
  7. Nunalerinermut tunngatillugu ilinniartitaanerup pitsanngorsaaffiginissaa
  8. Allaffissornikkut tunngavissat nutarterneqarnissaat
  9. Nunatsinni nunalerinermi allanik ineriartortitsinissaq

Periussiaq suliarineqarsimavoq, ilisimasanit, nalunaarusianit ukiunit kingullerni qulini suliarineqartarsimasunit aallaavilimmik, soorlu Nunarineq pillugu Isumalioqatigiissitarsuup isumaliutissiissutaanit, ESU pillugu nunalerinermik naluanaarusiaq aamma Nunalerinerup silaannaap allanngoriartornerani periarfissai. Tamakkulu saniatigut nunalerineq pillugu isumasioqatigiisitsisoqarpoq nunalerinermut attuumassutilinnit peqataaffigineqartumik. Periusissiamillu suliaqarnerup nalaani piffissaq tamaat Nunalerineq pillugu Siunnersuisooqatigiit, Nunalerinermi Siunnersorteqarfikt kiisalu Savaatillit Peqatigiit Suleqatigiissut suleqatigineqarsimapput.

Ukiunilu tulliuttuni qulini anguniakkani suliassat assigiinngitsut suliassartai ingerlanneqalissapput. Tamannalu ingerlanneqassaaq Nunalerinermut Siunnersorteqarfik peqatigilluinnarlugu.

Paasissutissanik suli allanik, uani taaneqanngitsunik pissarserusukkaanni Aalisarnermut, Piniarnermut Nunalerinermullu Naalakkersuisoqarfimmut saaffiginnittoqarsinnaavoq, e-mail: apnn@nanoq.gl

 

Sukumiinerusumik paasisaqarusukkaanni immikkoortortaqarfimmi pisortaq Pollas Lyberth attavigiuk, oqarasuaat 34 5302, e-mail:poly@nanoq.gl